Cocina minimalista abierta en blanco

Unha cociña minimalista aberta

Nun terreo elevado, rodeada de xardíns e árbores froiteiras, atópase esta vivenda unifamiliar proxectada polo estudio de arquitectura CREUSeCARRASCO. Os seus dous volumes, a distintos niveis e con diferentes acabados, marcan o carácter da construción. A súa cociña minimalista branca, deseñada por Santiago Interiores, é un dos corazóns da casa.

Vivienda Piedra y Cristal | CREUSeCARRASCO arquitectos
Vivienda proyectada por los arquitectos CREUSeCARRASCO
A COCIÑA
Ano do proxecto
2017
Deseño
Santiago Interiores
Distribución
En paralelo, con península
Dimensións
19 m2
Mobiliario
Santos, modelo LINE-E y ARIANE
Acabado
Branco Seff
Tirador
Sen tirador
Mesado
Krion Snow White
A VIVENDA
Tipoloxía
Vivenda unifamiliar
Dimensións
429 m2
Localización
A Coruña
Arquitectura
Decoración
---
Estilismo
---
Fotografía

Separados por unha fiestra resgada e unha escaleira que permite a entrada de luz, os dous bloques, independentes e superpostos, albergan funcións moi diferentes. O inferior, orientado a unha estrada, inclúe as portas de acceso, o garaxe e as zonas de almacenamento e instalacións. O superior, asomado á agradable paisaxe da finca, acolle as principais estancias da casa.

A planta principal é ampla e versátil, un espazo pensado para gozar en familia. O seu carácter aberto minimiza a presenza de obstáculos visuais, facilitando a circulación e a interacción entre usuarios. A cor branca do interiorismo axuda a potenciar a luz natural que accede a través das grandes ventás e tabiques acristalados. A decoración, que combina esta cor coa madeira e con tonalidades neutras como o gris dos sofás e pequenos puntos de cor nalgunhas pezas do mobiliario, axuda a consolidar o ambiente sereno e agradable de toda a vivenda.

Diseño de Cocina Minimalista Abierta
Cocina Minimalista Blanca Santiago Interiores

Cociña minimalista: harmonía e integración na arquitectura

Seguindo estes mesmos criterios, a cociña concíbese de maneira completamente aberta, comunicándose directamente co comedor e o salón, pero tamén co exterior da vivenda. Como se pode apreciar nas fotos, unhas portas corredeiras de cristal dan acceso ao soportal polo que, con elas abertas, a familia pode gozar da sensación de estar comendo fóra.

O noso equipo de interiorismo de Santiago Interiores combinou os modelos LINE-E e ARIANE de Santos en acabado Branco Seff para crear un deseño de cociña minimalista. Os seus mobles de liñas puras reúnen todo o necesario para almacenar, traballar e reunirse.

Península de Cocina Minimalista Blanca
Cocina abierta al Porche

Distribución en paralelo con península: funcionalidade e capacidade

As zonas de preparación e cocción sitúanse nunha península. Ademais dunha ampla superficie de traballo, ofrece múltiples solucións de almacenamento, un dos principais requisitos dos propietarios. Xunto a ela, unha mesa Bob de Ondarreta funciona como un office no que toda a familia pode reunirse para comer, sen necesidade de desprazarse ao comedor. Pola súa banda, a extracción de fumes resólvese mediante unha discreta campá a teito.

Os mobles de cociña minimalistas presentan un aspecto limpo e impecable, ademais de ofrecer espazo para almacenar e traballar con comodidade. Nesta cociña, as zonas de fregado e electrodomésticos dispóñense en paralelo á península, cubrindo un dos tabiques da estancia. No bloque da esquerda, o amoblamento inclúe caixón, un lavavaixelas integrado e un portavertedoiro con cubos de reciclaxe e espazo para gardar produtos de limpeza. Sobre estes módulos sitúanse tres armarios altos de apertura pregable, equipados con iluminación LED na súa parte inferior.

Armarios de Cocina Minimalistas
Cocina abierta al Exterior
Cocina Integral Minimalista Blanca
Lavanderia Anexa a la Cocina
Plano Cocina Minimalista con Distribución en Paralelo

Armarios columna e moble persiana: todo en orde

Na zona da dereita sitúanse tres armarios columna, que integran forno, microondas, frigorífico, conxelador e varios módulos adicionais de almacenaxe. O lineal complétase cun moble persiana que incorpora tomas de corrente e iluminación propia, permitindo gardar e utilizar pequenos electrodomésticos sen necesidade de cambialos de lugar.

Desde Santiago Interiores tamén nos encargamos de proxectar unha zona de lavandería anexa á cociña. Os mobles desta estancia, dispostos en paralelo, inclúen unha lavadora, un módulo de servizo e outro con saco para gardar a roupa sucia, dúas columnas e dous armarios portaútiles de limpeza.

Outros datos de interese

ELECTRODOMÉSTICOS
Bosch Lavalouzas, placa de cocción, forno e microondas
Liebherr Frigorífico e conxelador
Pando Campá

¿Queres facer realidade a cociña dos teus soños?

Pídenos un proxecto directamente a través da web ou concertar unha cita para que poidamos axudarche sen esperar no noso showroom. Axudarémosche a crear a cociña dos teus soños.

Solicita un proxecto