Image

Receita de Sopa fría de cogombro e menta verde

Receta de Sopa fría de pepino y hierbabuena | Cocinas Santos | Santiago Interiores

Refrescante, aromática, lixeira, sa… o calendario de Santos propón unha estival receita para o mes de xuño: Sopa fría de cogombro e menta verde.

Planeaches un pícnic? Un día na praia? Unha grellada na terraza? Esta sopa adáptase a calquera plan e é ideal para xantar, cear ou saciar a sede e a fame entre horas. É moi fácil de facer e pode servirse tanto nun bol como nun vaso. Unha alternativa ao gazpacho, igual de deliciosa e fresca. Contámosche como preparala.

Ingredientes

  • 2 cogombros
  • 1 cebola
  • 8 ou 10 follas de menta verde (algunha máis para adornar)
  • ½ litro de caldo de polo ou verduras
  • Aceite de oliva virxe extra
  • Sal

Preparación

Para comezar, picamos a cebola moi fina e a pochamos nunha ola cun pouco de aceite. Unha vez vexamos que está transparente incorporamos o cogombro cortado en toros e cociñamos durante uns dez minutos a lume medio. A continuación, engadimos o caldo e o sal e deixamos cocer durante uns vinte minutos. Retiramos do lume e reservamos ata que estea temperado.

Picamos a menta verde e a engadimos. Trituramos todo cun batedor en máxima potencia. É importante que quede ben fino, polo que, se é necesario, pasamos a mestura por un chino.

Unha vez teñamos a sopa deixámola arrefriar no frigorífico. Se é dun día para outro, o sabor será incluso mellor.

Como toque final, adornamos cunhas follas de menta verde e unhas gotas de aceite de oliva virxe extra. Como consello, resulta máis fácil axudarse dunha culleriña, no canto de facelo directamente desde a botella.

Convidámoste a visitar o blog ToBeGourmet para ver imaxes do proceso de elaboración e a presentación final desta receita. Esperamos que goces da súa preparación e degustación.