Image

Receita de Torta rústica salgada Arcobaleno

Receta de Tarta rústica salada Arcobaleno | Cocinas Santos | Santiago Interiores

A cociña italiana é moito máis ampla do que ás veces pensamos. Hai vida máis alá da pizza e da pasta e a proposta do mes de outubro do calendario de cociñas Santos vén demostrárnolo cunha receita diferente e exquisita: torta rústica salgada Arcobaleno. Pementos de cores asados, queixo, espinacas e prosciutto forman este arcobaleno (arco da vella) de sabores e cores que fará as delicias dos nosos comensais.

Esta torta salgada rechea de verduras non é unha receita complicada, pero si leva o seu tempo, polo que é ideal para preparar unha chuviosa tarde de outono.

Este prato é ademais moi versátil, pois a torta pode tomarse fría, quente ou morna. Por iso tamén é un gran recurso para un pícnic, unha merenda, ou para deixar lista o día antes.

Anímaste a preparala? Contámosche, paso a paso, como facela.

Ingredientes

  • 300 g de espinacas
  • 25 g de manteiga
  • 100 ml de nata líquida 35% mg
  • Un pequeno anaco de queixo parmesano
  • 200 g de xamón cocido
  • 2 pementos vermellos
  • 2 pementos amarelos
  • 200 g de queixo en liscos
  • 1 xema de ovo
  • Sal
  • Aceite de oliva virxe extra

Preparación 

Para comezar, asamos os pementos. É un proceso que leva un tempo, e, ademais, deberemos arrefrialos despois para poder pelalos e cortalos en tiras. Para iso lavamos os pementos, secámolos, impregnámolos de aceite de oliva e introducímolos no forno a 150º ata que vexamos que a pel está torrada. Cara a metade do enfornado –que pode durar uns 45 minutos– xirámolos para que queden ben asados polos dous lados.

Deixámolos arrefriar, e mentres tanto poñémonos coa masa. Para isto, o primeiro que facemos é peneirar a fariña, e a continuación mesturámola co viño branco e un pouco de sal. Empezamos a amasar. Se vemos que é necesario, podemos engadir un pouco de auga para lograr unha masa elástica que non se pegue ás mans e coa que sexa máis doado traballar. Envolvemos a masa nun film transparente e levamos á neveira, onde deberá estar uns 30 minutos.

Mentres tanto, fervemos as espinacas durante uns 5 minutos nunha pota cun pouco de auga. A continuación escorrémolas e cortámolas. Removemos todo para que quede ben mesturado e salgamos.

Receta de Tarta rústica salada Arcobaleno | Cocinas Santos | Santiago Interiores

Agora si, unha vez fríos os pementos, cortamos en tiras e separamos por cores. Retiramos a masa da neveira, cortámola en dous e estendemos unha das metades nun molde duns 28 cm de diámetro. Xa podemos comezar a crear as capas do recheo: xamón cocido en liscos, espinacas, pemento vermello, queixo en liscos, pemento amarelo, e para finalizar, outra capa de queixo.

Estendemos a segunda metade da masa e cortámola con coitelo en tiras longas. Con elas podemos pechar a torta. Podemos facelo entrelazando as tiras, ou ben colocando primeiro unha fila nun sentido e despois outra cruzada por riba.

Para terminar, usamos xema batida para untar a masa. Así conseguiremos un bonito aspecto dourado para a nosa torta. Enfornamos durante 45 minutos a 180º. E xa a temos! Agora só queda gozala.

Convidámoste a visitar o blog ToBeGourmet para ver imaxes do proceso de elaboración e a presentación final desta receita. Esperamos que goces desta proposta de cociña mediterránea diferente.