Image

Tendencias: cociñas abertas

Image cocinas-abiertas-santos-umbra-e-estratificado-santiago-interiores

Nos últimos anos a cociña pasou de ser un lugar meramente funcional a converterse nun verdadeiro espazo de reunión e convivencia. As cociñas abertas son tendencia, e nelas cociñar e compartir tempo coa familia e amigos non só é compatible, senón un verdadeiro pracer. As novas solucións de mobiliario integrado e electrodomésticos máis silenciosos evitan ademais algunhas das tradicionais desvantaxes deste tipo de distribución. Contámosche como deseñar unha cociña aberta e cales son as súas principais vantaxes e inconvenientes.

Cociñar mentres os nenos xogan, merendar na illa, preparar a cea e charlar ao mesmo tempo cos nosos convidados… nunha cociña aberta esta estancia convértese no punto neurálxico familiar e social, no corazón da casa. A cociña xa non se esconde, ábrese a salóns e comedores con deseños fermosos e funcionais.

Tendencias: cocinas abiertas | Casa unifamiliar urbana | Cocinas Santos | Santiago Interiores

Este tipo de distribución permite ademais deseñar espazos máis amplos, luminosos e versátiles. Para lograr un resultado harmónico e equilibrado, debemos estudar moi ben o deseño, e coidar tanto a funcionalidade como a estética. As solucións de integración dos mobles deseñados por Santos axudan a que todo se atope sempre oculto e recollido, un factor clave nunha cociña aberta. Os mobles de liñas rectas, sen tiradores, poden ser unha opción acertada para este tipo de cociñas, xa que se integran moi ben na arquitectura, conseguindo discreción, prestacións, capacidade e beleza. En canto á cor, o branco é sempre unha aposta segura, pero en función do interiorismo do salón e do comedor, tamén pode resultar interesante aplicar outras tonalidades, así como cores en contraste.

Tendencias: cocinas abiertas | Cheer Up | Cocinas Santos | Santiago Interiores

Nas cociñas abertas a illa de cociña ocupa a miúdo o punto central, articulando o espazo, e permitindo traballar na cociña ao tempo que interactuamos con outras persoas. Moitas veces a illa incorpora unha pequena barra, ou está conectada cunha mesa de comedor, enlazando a zona de preparación do alimento coa de consumición.

Tendencias: cocinas abiertas | Karmel Lacado | Cocinas Santos | Santiago Interiores

Podemos deseñar un espazo completamente aberto e homoxéneo, ou diferencias as áreas de cociña, comedor e salón. As illas e as penínsulas poden axudar a delimitar espazos, e tamén o fan a cor ou os materiais das paredes e dos chans, que, segundo como se apliquen, darán sensación de continuidade ou axudarán a separar ambientes. Optar por un chan a diferente altura permitiría distribuír ambientes en distintos planos, conseguindo crear certa independencia entre cada zona.

Tendencias: cocinas abiertas | Wood Natura | Cocinas Santos | Santiago Interiores

De todos xeitos, non hai que esquecer que as cociñas abertas non son adecuadas para todos os fogares. Se estás pensando nunha para a túa casa, pero aínda non o tes claro, resumímosche aquí algunhas das súas principais vantaxes e inconvenientes.

Vantaxes:

  • Ao eliminar tabiques, as cociñas abertas dan máis sensación de luminosidade e amplitude.
  • Permiten unha maior socialización coa familia e amigos.
  • Nalgunhas casas é unha opción moi adecuada para gañar espazo.
  • Posibilitan integrar illas de cociña, que necesitan bastante espazo ao seu redor

Desvantaxes:

  • Todo está á vista e exposto, polo que debermos extremar a orde. As solucións de integración e almacenamento poden axudarnos.
  • Hoxe en día os electrodomésticos (campá, forno, neveira…) son máis silenciosos, pero aínda así debemos ter presente que teremos ruídos de billas, utensilios de cociña necesarios na preparación dos alimentos…
  • Se nos gusta illarnos á hora de cociñar, está claro que esta non é unha opción para nós.
  • Tamén teremos que convivir co olor da comida, se ben na actualidade existen grupos de extracción moi potentes.
  • Perdemos o espazo que as paredes da cociña nos ofrecen para almacenaxe e outras funcións
Tendencias: cocinas abiertas | Line LAH laminado Negro Seda | Cocinas Santos | Santiago Interiores

E se non nos convence ningunha destas opcións, tamén podemos recorrer a solucións intermedias, como portas corredizas ou unha separación de cristal.

Se tes en mente unha cociña aberta pero non sabes moi ben como integrala ou se encaixa no teu espazo, o noso equipo de interioristas pode axudarte. Reserva a túa cita aquí para que poidamos estudar o teu deseño personalizado.