Image

Mesados de cociña: como escoller o máis axeitado

Encimeras de cocina | Granito negro Zimbabwe | Cocinas Santos | Santiago Interiores

[Actualizado a 2 de novembro de 2018]

De madeira ou de granito? De aceiro inoxidable ou de cuarzo? Escoller un mesado é unha das decisións máis difíciles á hora de adquirir unha nova cociña.

Cal é o teu estilo? Que tareas adoitas realizar na túa cociña? Queres un mesado que non requira apenas mantemento? Buscas que sexa especialmente resistente a pegadas e rabañaduras? Necesitas que soporte altas temperaturas? Estas son algunhas das cuestións que adoitamos formular aos nosos clientes para asesoralos na elección do mesado que mellor encaixe coas súas necesidades e proxecto de cociña. Porque non é posible determinar cal é o mellor material para mesados, senón que dependerá do uso que cada un dea á súa cociña.

En Santiago Interiores traballamos coas marcas máis prestixiosas e dispoñemos de todo tipo de opcións, así que sempre atoparás algún que se adecúe ás túass preferencias estéticas e hábitos na cocinña.

Mesados de cuarzo

Encimeras de cocina | Silestone | Cocinas Santos | Santiago Interiores

Este tipo de mesados son o resultado dun proceso industrial onde se mesturan partículas de cuarzo natural con resinas de poliéster. As súas principais calidades son a súa dureza e durabilidade, así como a consistencia e gran variedade das súas cores, que os fan aptos para todo tipo de estilos e cociñas. Os  mesados de cuarzo son ademais doados de limpar e moi resistentes a impactos e rabuñaduras.

En Santiago Interiores traballamos con Silestone e con Compac.

Mesados de granito

Encimeras de cocina | Granito negro Zimbabwe | Cocinas Santos | Santiago Interiores

Os materiais naturais son tendencia, e hoxe en día os mesados de granito son dos máis empregados polas súas numerosas vantaxes, entre as que se atopan a dureza, resistencia á calor, ás marcas y manchas, á auga e á humidade e aos produtos abrasivos ou corrosivos. Ademais de resultar unha superficie moi hixiénica e con moi bo mantemento, é moi duradeira.

Ao ser unha pedra natural, o tacto é moi agradable, e cada peza é única e irrepetible. Por iso, ningún mesado de granito é igual a outro.

En Santiago Interiores traballamos con Naturamia e Sensa, con granitos nacionais e de importación.

Mesados de mármore

Encimera de mármol

Imaxe de Sensa

Xunto co granito, o mármore é outro dos materiais naturais máis axeitados para a cociña. Os mesados desta pedra caliza son moi resistentes é calor e ás altas temperaturas, e apenas precisan mantemento.

Mais se por algo salienta o mármore é polo seu brillo natural, que o dota de gran beleza e elegancia, sendo unha elección habitual en estancias que buscan un estilo sofisticado e atemporal.

Mesados Corian e Krion (Solid Surface)

Encimeras de cocina | Corian | Cocinas Santos | Santiago Interiores

Cando falamos de mesados de resina, falamos en realidade destas superficies sólidas (Solid Surface) de nova xeración están compostas por minerais naturais e resinas sintéticas de gran resistencia.

Trátase de materiais sólidos e homoxéneos que permiten crear superficies de gran dureza que resisten o paso do tempo. Son termoformables, polo que son sinxelas de moldear, adaptándose a calquera deseño. As placas poden encolarse e lixarse ata que as xuntas resultan imperceptibles, ofrecendo resultados moi limpos e modernos. Ao carecer de xuntas tamén se evita a aparición de mofo, humidades e bacterias.

En Santiago Interiores traballamos tanto con mesados de Corian como de Krion.

Mesados de madeira e laminados

Encimeras de cocina | Laminado madera | Cocinas Santos | Santiago Interiores

A madeira achega confort e un ambiente cálido á cociña. É especialmente adecuada para interiorismos naturais, nórdicos e rústicos, aínda que en combinación con outros materiais pode crear interesantes ambientes en calquera proxecto.

É recomendable reservar a madeira natural para as zonas auxiliares e optar polos laminados para as zonas de traballo, xa que son máis resistentes e aptos para as áreas de cocción ou augas. Así, un mesado de madeira maciza resulta demasiado delicado para estas zonas de uso continuo, facendo precisos un mantemento constante e estando sempre en risco de deteriorarse pola humidade ou a calor.

Por iso en Santiago Interiores traballamos cos laminados de cociñas Santos, que fusionan estética e funcionalidade, cunha gran durabilidade e unha aparencia natural e agradable. Existen diferentes acabados en madeira, como carballo, nogueira e olmo.

Además do acabado madeira, Santos ofrece laminados con diferentes aparencias e cores, como a nova gama LAH, que aplica nanotecnoloxía e resinas acrílicas endurecidas para ofrecer un acabado supermate e antipegada, de tacto moi suave e agradable. É un material que resulta axeitado tanto para frontes como para mesados, posibilitando xerar conxuntos monocor. É ademais resistente á auga, antimofo, moi fácil de limpar e ofrece gran resistencia a golpes, raiado, abrasión, roce e calor seca.

Mesados de aceiro

Encimeras de cocina | Acero | Cocinas Santos | Santiago Interiores

O auxe da gastronomía hai uns anos puxo de moda os mesados de aceiro inoxidable, ao ser os máis empregados naa cociña profesional. Son moi resistentes e hixiénicos, e pódense limpar facilmente simplemente con xabón. Aínda que é o material por excelencia para crear un aspecto industrial, esta tendencia comeza a ser menos popular, polo que o aceiro inoxidable xa non se ve tanto nas cociñas.

Mesados porcelánicos

Encimera Neolith

Foto de Neolith

Os mesados porcelánicos son un produto relativamente novo, pero que conta con moitas vantaxes. Son superficies ultracompactas, que utilizan diferentes compostos minerais naturais a moi altas  presións e temperaturas, dando como resultado un material compacto, nada poroso e sobre todo, moi resistente (á calor, aos raios do sol, ás rabañaduras, ao auga…)

Os mesados das marcas Dekton e Neolith son das máis vendidas en porcelánico.

Se estás pensando en renovar ou adquirir unha nova cociña, recomendámosche asesorarte cun profesional para acertar co mesado que mellor se adecúe ás túas necesidades e estilo de decoración. En Santiago Interiores estaremos encantados de recibirte na nosa tenda, onde poderás tocar e experimentar os mesados da nosa exposición, así como recibir asesoramento do noso equipo de interiorismo. Podes reservar a túa cita aquí.