Reforma Casa Señorial

Unha vivenda clásica cun toque renovado e actual

En pleno corazón do casco vello compostelán atópase este edificio de finais do século XIX. Trátase dunha casa señorial con salientables elementos arquitectónicos que a dotan dun carácter único, como cornixas, rosetóns, balcóns ou unha lareira de pedra. O propietario tivo claro desde o principio que quería manter e recuperar a esencia clásica do inmoble, pero adaptándoo ás necesidades actuais.

Cocina en paralelo en reforma casa antigua Santos
Cocina en paralelo Line Lah negro mate en reforma casa antigua
A COCIÑA
Ano do proxecto
2018
Deseño
Santiago Interiores
Distribución
En paralelo
Dimensións
17 m2
Mobiliario
Santos, modelo LINE LAH
Acabado
Negro Seda
Tirador
Sen tirador
Mesado
Granito Negro Zimbawe Anticato
A VIVENDA
Tipoloxía
Vivenda unifamiliar
Dimensións
124 m2
Localización
Santiago de Compostela (A Coruña)
Arquitectura
Sandra Mata Cervera (Ideinterior)
Decoración
Estilismo
Fotografía
Sandra Mata Cervera (Ideinterior)

O estudo de interiorismo Ideinterior foi o encargado de levar a cabo esta tarefa, realizando a reforma interior do inmoble de 124m2 en dúas alturas e mantendo o deseño da planta orixinal. Buscouse potenciar a sensación de amplitude xerada polos teitos a 3,20 m de altura, evitando elementos de decoración verticais e dando protagonismo ao color branco en todas as paredes e teitos de cada estancia.

Para aportar o toque contemporáneo, e crear un elegante contraste cos numerosos detalles clásicos, elixiuse un mobiliario sobrio e funcional, definido por pezas de deseño rústico e industrial. Os espazos simples, así como o equilibrio das tonalidades, cunha base neutra e acabados naturais en contraposición coa elegancia do negro, foron algúns dos sinais de identidade desta reforma.

Lareira restaurada en reforma casa antigua Santiago Interiores
Cocina en paralelo negro mate en reforma casa antigua
Dormitorio en reforma casa antigua Santiago Interiores

Unha cociña funcional con moita personalidade

A cociña, que dispón de luz natural e acceso a unha despensa de 4,2 m2, foi a estancia que máis cambios experimentou coa reforma e ilustra á perfección a dualidade entre clasicismo e modernidade. A recuperación da lareira de pedra, así como da parte interior da fachada, deixou ao descuberto un impoñente acabado rústico, que se neutralizou con paredes brancas e chan vinílico cor area para crear sensación de continuidade.

A lareira restaurada e o vertedoiro de pedra xunto á fiestra comparten protagonismo unicamente co mobiliario de cociña, deixando o resto do espazo libre. O modelo LINE LAH de Santos, de liñas minimalistas e cun acabado negro mate, logra integrarse no espazo sen pasar desapercibido e entra en equilibrio coa textura rústica da parede. O ambiente resultante é cálido e distinguido.

O grosor reducido dos frontes e costados, que dota a estes mobles de cociña de lixeireza e elegancia, contribuíu a minimizar o seu impacto na arquitectura da vivenda sen perder capacidade nin resistencia.

Aseo funcional renovado en reforma casa antigua Santos
Salón renovado en reforma casa antigua Santos

Distribución en paralelo: unha zona de traballo cómoda e plenamente equipada

Para a distribución do mobiliario da cociña optamos por unha disposición en paralelo que favorece a entrada da luz natural. Organizouse cunha composición de módulos baixos e altos a un lado, e un lineal de tres armarios columna ao outro.

A primeira zona acolle as áreas de preparación, cocción e fregado, e equipouse con mobles baixos con caixóns de extracción total, lavalouza integrado e moble portavertedoiro. Para completar este amoblamento instalamos oito armarios altos horizontais, que ofrecen capacidade adicional e integran a campá extractora.

O lineal de armarios columna, pola súa parte, incorpora forno, microondas, frigorífico e unha práctica zona de almacenamento nun espazo compacto e ordenado. Os recursos para integrar electrodomésticos e solucións de almacenamento aportan discreción, un factor esencial nunha cociña tan sofisticada como esta.

Amplitud con paredes de color blanco en reforma de casa antigua Santos
Mobiliario sobrio y funcional en reforma casa antigua Santiago Interiores
Piezas de diseño rústico e industrial en reforma de casa antigua

Outros datos de interese

ELECTRODOMÉSTICOS
Balay Lavalouzas, placa de cocción, forno, microondas e frigorífico
Pando Campá

¿Queres facer realidade a cociña dos teus soños?

Pídenos un proxecto directamente a través da web ou concertar unha cita para que poidamos axudarche sen esperar no noso showroom. Axudarémosche a crear a cociña dos teus soños.

Solicita un proxecto