Unha cociña para vivir
Para os propietarios desta vivenda, a cociña é o centro do seu fogar e buscaban facer dela un lugar amplo e práctico no que reunir a familiares e amigos. Para iso elimináronse tabiques e incorporouse á cociña unha estancia anexa onde había unha cheminea. Agora, cociña e comedor conviven de forma harmónica e crean un ambiente confortable e acolledor, algo ao que contribúe de xeito notable a cheminea incorporada á estancia trala reforma.
| A COCIÑA | |
|---|---|
| Ano do proxecto | 2015 |
| Deseño | Santiago Interiores |
| Distribución | En U |
| Dimensións | --- |
| Mobiliario | Santos, modelo LINE-E |
| Acabado | Branco Seff |
| Tirador | Sen tirador |
| Mesado | Laminado Olmo Claro |
| A VIVENDA | |
|---|---|
| Tipoloxía | Piso |
| Dimensións | 120 m2 |
| Localización | O Pindo (A Coruña) |
| Arquitectura | --- |
| Decoración | --- |
| Estilismo | --- |
| Fotografía | Render 3D |
Unha vez estudadas as posibilidades do espazo e as necesidades e preferencias dos clientes, decidiuse unha distribución en forma de U. A cociña equípase con mobles do modelo LINE-E, que ao carecer de tirador facilita as tarefas de limpeza. A zona de mobles baixos, provista de caixóns de extracción total, prolóngase trala zona de cocción para ofrecer unha barra auxiliar na que realizar comidas rápidas ou almorzos. Esta zona auxiliar está orientada cara a gran ventá que ilumina a cociña con luz natural. A elección dun modelo de campá integrada no teito supón un grande acerto para evitar calquera obstáculo á iluminación natural.
Os electrodomésticos de maiores dimensións, imprescindibles en calquera cociña actual, intégranse na zona de columnas. Pola súa banda, un funcional moble persiana instalado sobre o mesado resulta moi útil para gardar pequenos electrodomésticos como: torradora, espremedor ou cafeteira. O seu sistema de apertura con persiana fai posible abrilo fácil e silenciosamente cando é preciso usar os aparellos e pechalo cando queremos ter a cociña totalmente recollida.
Os mobles altos, situados sobre a zona de fregado, están provistos dun sistema de apertura articulado que facilita o acceso ao seu interior.
Outros datos de interese
| ELECTRODOMÉSTICOS | |
|---|---|
| Bosch | Placa vitrocerámica, placa de gas, forno, microondas, frigorífico-conxelador e lavalouza |
| Pando | Campá de teito |
Inspírate con máis proxectos
Queres facer realidade a cociña dos teus soños?
Visita a nosa tenda en Santiago de Compostela e amosarémosche as múltiples opcións de configuración e personalización das cociñas Santos. Concerta unha cita previa para que poidamos atenderche sen esperas e axudarche a crear a cociña dos teus soños.
