As cociñas nórdicas son tendencia desde hai xa moitos anos, e é fácil entender por que. O estilo escandinavo caracterízase pola sinxeleza e lixeireza nas súas formas, así como polo protagonismo da cor branca e da madeira. Isto da como resultado ambientes luminosos, limpos, prácticos e acolledores, moi en sintonía coa filosofía de cociñas Santos.
Hoxe mostrámosche algúns exemplos de cociñas tipo nórdico con moito encanto, que agardamos che sirvan de inspiración.
Cociña nórdica branca e madeira: unha combinación atemporal
Como diciamos, o protagonismo da cor branca e da madeirason probablemente as principais sinais de identidade de este estilo decorativo. Así lógrase aproveitar ao máximo a luz natural que entra na estancia, á vez que se proporciona un toque caseño fundamental para sentirse a gusto no máis frío do inverno.
Na foto superior podemos ver como o acabado carballo dos mobles altos rompe coa monotonía da cociña branca de estilo nórdico, subliñando a beleza natural da madeira e aportando calidez e confort.
Cociña nórdica branca: deixa que entre a luz
Sen embargo, non é necesario que a madeira estea presente no propio mobiliario de cociña. O habitual é que os mobles sexan de cor branca, pero si atopamos a calidez dos acabados madeira en chans, mesas, cadeiras, paneis parede ou mobles auxiliares.
Ademais, nas cociñas de deseño nórdico non pode faltar unha zona office na que comer e cear a cotío. Este recanto, por suposto, tamén debe cinguirse aos mesmos patróns de decoración: materiais naturais como a madeira e moita cor branca.
Cociñas estilo nórdico de madeira: as máis cálidas
Nesta outra cociña de estilo escandinavo, pola contra, vemos que no mobiliario predomina o acabado Carballo Rústico Sincro. Iso si, como se trata dunha estancia pequena, déixase a madeira para os mobles baixos, mentres que o mesado, o panel parede e os mobles altos recorren á branca, de xeito que se consigue un ambiente lixeiro e equilibrado.
O chan tamén é de madeira, outro dos puntos clave deste tipo de decoración, xa que así se aporta moitísima calidez. O resultado é unha cocina nórdica de madeira confortable e funcional.
Cociña nórdica vintage: mirando atrás
Sen deixar de man a sinxeleza, en moitas cociñas nórdicas atopamos unha mestura atrevida de elementos contemporáneos e vintage, o que orixina espazos con moito carácter. Un bo exemplo vémolo arriba, onde os mobles de liñas rectas combínanse cun revestimento de táboas de madeira de piñeiro que recorda ás casas de campo doutros tempos.
Cociña nórdica pequena: práctica e equilibrada
Funcionalidade, liñas sinxelas, cor branca por todas partes… Está claro que poucos estilos decorativos se adaptan tan ben ás cociñas pequenas como o nórdico. Resulta fundamental, iso si, elixir acabados madeira en tons moi claros, tanto para o chan como para o resto dos elementos, para non recargar en exceso o ambiente.
Separar a cociña do resto da zona de día mediante unha fiestra interior ou algún peche de vidroserá unha magnífica idea para alixeirar visualmente a estancia e multiplicar a súa luminosidade.
Cociñas estilo nórdico con illa: espazos para gozar en compañía
No caso de contar cunha estancia de dimensións xenerosas, o estilo escandinavo tamén se pode beneficiar da distribución con illa. Trátase dun elemento moi práctico e que se converte, con frecuencia, nun punto de reunión e convivencia, o que sen dúbida tamén aporta maior calidez e confort. Se ademais apegamos á illa da cociña nórdica unha mesa de madeira, este efecto será aínda máis evidente.
E, por suposto, quen di illa, di península. Neste caso, atopamos unha estancia diáfana e luminosa que se inclina polo minimalismo nórdico, cun aspecto moi limpo pero no que tampouco falta a calidez dea madeira e unha zona office para gozar en compañía de familia e amigos.
Cociña aberta nórdica: zonas de día versátiles e polivalentes
Sendo as cociñas nórdicas, por definición, acolledoras, sinxelas, sobrias e discretas, resulta especialmente fácil adaptalas a espazos abertosao comedor ou ao salón. Así, as fronteiras entre zona de traballo e de ocio esváense, favorecendo a fluidez das actividades diarias e convertendo calquera recanto da casa nun lugar confortable.
Cociña nórdica rústica: co encanto das casas de montaña
Pola súa sinxeleza, a decoración escandinava lógrase adaptar moi ben a outros estiloscomo o minimalista, o vintage ou o rústico. Así, vemos como unha parede de pedra pode realzar a beleza dunha cociña moderna de inspiración nórdica. Se ademais incluímos unha cheminea de leña ou teitos de madeira, o resultado será 100% alpino.
Cociña nórdica negra, por que non?
Aínda que nas cociñas nórdicas o habitual é que a branca sexa a cor predominante, non sempre ten por que ser así. É posible deixar este ton para as paredes, e atreverse con mobles e mesado negroen contraposición con chans de madeira. Xérase así un espazo con moita forza e personalidade, versátil e acolledor.
Se che gustaría levar a sinxela calidez do estilo nórdico á túa cociña, non dubides en consultarnos. En Santiago Interiores sabemos o importante que é deseñar estancias cómodas e agradables, adaptadas ás necesidades e desexos de aqueles que as van a gozar. Pide cita con noso equipo de interioristas, nos encantará atenderte e realizar un proxecto personalizado para ti.