Que é a zona living?
A zona living, tamén coñecida como salón, é un dos espazos principais do fogar. Acostuma a utilizarse como sala de estar, para recibir visitas e para realizar actividades cotiás como ler, ver a televisión ou conversar coa familia.
Ao ser un lugar onde se pasa gran parte do tempo, a súa correcta decoración e distribución son clave para convertelo nun espazo cómodo e acolledor, ideal para relaxarse e gozar despois dun día ocupado.
En Santiago Interiores – Santos coidamos cada detalle e buscamos sempre combinar deseño e ergonomía nos nosos proxectos, non só en cociñas, tamén na zona living, adaptándonos ás particularidades de cada espazo. Cada proposta é única, pero existen certos aspectos fundamentais que potencian ao máximo o salón, e neste artigo compartímosche algúns deles.
Que mobles escoller para a zona living?
Os mobles son a esencia de calquera espazo, pois teñen a capacidade de aportar personalidade e estilo a cada recuncho. Os mobles de salón non son a excepción: escollelos correctamente pode transformar por completo a apariencia e funcionalidade do teu fogar.
Aínda que existen tantas opcións como ideas para integralas, hai certos mobles que non poden faltar:
Sofá
O sofá é o corazón da zona living, un moble deseñado para o descanso e a comodidade. Ao escollelo, convén priorizar o confort sen descoidar a estética. O seu tamaño debe adaptarse ao espazo dispoñible e os acabados poden marcar a diferenza entre un salón común e un de revista. Entre os estilos máis populares atopamos sofás en L ou en U, chaise longue, chester, modulares ou o clásico de toda a vida; a elección depende do uso que lle imos dar.
Mesa de centro ou auxiliar
Indispensable en calquera salón, a mesa de centro auxiliar combina funcionalidade e estilo. Serve para colocar accesorios decorativos, bebidas, alimentos ou o mando da tele. Poden estar fabricadas en madeira, metal, con pedra ou cristal na superfície, a súa altura adoita coincidir coa do sofá para mellorar a ergonomía e a comodidade.
Moble para TV
A televisión é o punto central do entretemento na maioría dos fogares, e o moble para TV debe acompañala en funcionalidade e estilo. Ademais de soster ou complementar a pantalla de TV, axuda a manter a orde ocultando cables e proporcionando espazo de almacenamiento para todos os accesorios multimedia.
Estantes
Os estantes son mobles que se colocan normalmente contra a parede e que permiten exhibir libros, obxectos decorativos ou recordos persoais. Aportan lixeireza visual ao salón, equilibran o espazo e permiten organizar os elementos sen que o ambiente se vexa recargado, ofrecendo ao mesmo tempo un toque decorativo.
Mobles para o almacenamento
Os mobles de almacenamento son clave para manter o salón ordenado e que este resulte funcional. Permiten gardar e organizar obxectos, dende mantas, coxíns ata xogos ou accesorios do día a día. Son especialmente útiles en espazos pequenos, onde cada metro conta para manter a orde e ter todo a man.
Carro
Este moble móbil pódese colocar onde necesites, aportando espazo adicional e resultando especialmente útil cando recibes visitas.
Como distribuír os mobles do teu salón comedor?
Un espazo ben deseñado contribúe a mellorar tanto a comodidade como a funcionalidade do salón, polo que unha distribución acertada dos mobles é clave para disfrutar plenamente desta estancia.
Paso 1: medir e analizar o espazo
Antes de colocar calquera moble, é fundamental medir a habitación e detectar portas, ventás e puntos de luz. Cada salón é único, e adaptar a colocación dos mobles a estas características garantiza un resultado harmonioso e funcional.
Paso 2: definir un punto focal
Para organizar o salón de maneira coherente, convén seleccionar un punto focal, como o moble para TV, unha obra de arte ou a mesa auxiliar. Os demais mobles deben orientarse cara a este punto para manter o equilibrio visual e funcionalidade.
Paso 3: planificar as zonas do salón
Ao pensar en como distribuír os mobles na zona living, convén identificar as distintas áreas que queremos crear:
Zona de conversación: destinada a reunións e momentos en familia. Aquí son clave os mobles decorativos para living como unha mesa de centro, un armario vitrina ou un sofá.
Zona de entretemento: a televisión e o entretemento requiren dun moble para TV funcional, con espazo para almacenar e ocultar cables. É importante situalo nunha posición que evite reflexos e optimice a iluminación natural.
Zona de traballo ou lectura: un recuncho con butaca e mesa auxiliar permite ler, traballar ou desfrutar dun momento de calma sen interferir nas outras áreas. Para esta zona tamén é indispensable buscar unha óptima iluminación, tanto se é natural como se provén dunha lámpada.
Paso 4: escoller os mobles adecuados
Coas zonas definidas, chega o momento de seleccionar os mobles do salón que mellor se adapten ao espazo e ao estilo que buscamos.
En salóns amplos, existe maior liberdade para incorporar diferentes mobles de living combinando estética e funcionalidade para crear un deseño dinámico e personalizado. En espazos máis reducidos, a elección de mobles de salón vólvese aínda mais importante, xa que cada peza debe optimizar o espazo dispoñible sen saturar a habitación.
Paso 5: planificar a circulación
É crucial respectar as zonas de paso para mellorar a mobilidade e a seguridade. Recoméndase deixar entre 70 e 90 cm de espazo libre entre mobles grandes como sofás, mesas de centro ou auxiliares. Isto permite un fluxo natural dende a entrada ata calquera recuncho do salón.
En Santos contamos con mobles deseñados para mellorar estas zonas como os caixóns zócalo co frontal inclinado cara o interior que evitan estorbos ao camiñar.
Paso 6: ergonomía e colocación da TV
A comodidade ao ver a televisión depende da distancia e altura do televisor.
Distancia: multiplicar o tamaño da pantalla por 1,5 ou 2 (por exemplo, un televisor de 50 pulgadas debería colocarse entre 1,9 e 2,5 metros do sofá).
Altura: o centro da pantalla debe quedar entre 90 e 110 cm do chan, aproximadamente á altura dos ollos cando estamos sentados. Un moble baixo para TV facilita esta colocación e grante unha postura ergonómica .
Paso 7: adaptar a distribución segundo o tamaño e a planta
Salóns amplos ou conectados á cociña: separar visualmente espazos co sofá de espaldas á cociña, e incorporar aparadores ou vitrinas modernas que aporten almacenamento e delimiten espazos.
Salóns pequenos ou estreitos: evitar saturar as paredes con demasiados mobles para manter sensación de amplitude e evitar un efecto embudo.
Con estos pasos, planificar a distribución dos mobles de living convírtese nun proceso mais sinxelo e fai posible crear salóns funcionais, cómodos e esteticamente equilibrados.
No showroom de Santiago Interiores poderás inspirarte coa nosa ampla exposición, onde atoparás distintos ambientes e solucións para integrar na túa zona living.
Se estás pensando en crear ou reformar o teu salón, ou simplemente desexas recibir asesoramento personalizado, non dubides en pedir cita e visitarnos. O noso equipo estará encantado de axudarche a deseñar un espazo funcional, acolledor e con estilo, adaptado ás túas necesidades e preferencias.
