A iluminación é unha parte fundamental en calquera proxecto de cociña. Podemos elixir os mobles máis funcionais e a decoración máis bonita e actual, pero deberá de acompañarse tamén da luz adecuada para conseguir o mellor resultado posible.
Para planificar a iluminación deste espazo hai que ter en conta moitos factores. O tamaño da cociña, a distribución, os elementos do teito, a entrada de luz natural, os acabados do mobiliario, a cor das paredes e, sobre todo, as actividades que imos realizar, son aspectos a valorar antes de iniciar o proxecto.
Trátase dunha das estancias máis frecuentadas da casa, polo que a iluminación debe estar pensada para facilitarnos tanto o traballo que desenvolveremos nela como os momentos de lecer que vaiamos gozar. Desde preparar unha receita e cear en familia, ata teletraballar, facer os deberes, ler un libro ou ver un vídeo de forma práctica mentres cociñamos.
Hoxe compartimos algunhas ideas para iluminar a cociña e explicámosche cales son os tipos de iluminación que podes incorporar. Inspírate ademais coas seguintes imaxes, nas que se mostran sofisticadas lámpadas de teito para a cociña e os exclusivos perfís de iluminación LED que ofrece Santos.
Como iluminar unha cociña pequena
Cando facemos reformas integrais de cociñas pequenas é habitual optar por converter a estancia nun lugar aberto ao resto da casa. Como vemos na imaxe, ao unir cociña e comedor imos gañar moita amplitude e luz natural. Neste caso, a illa axúdanos tamén a organizar o espazo e a separar ambientes.
A iluminación de cociñas pequenas é unha das principais preocupacións cando dispoñemos de pouco espazo. En primeiro lugar, debemos pensar nunha distribución coa que sacar o máximo partido á luz natural. Neste proxecto que se mostra na imaxe, por exemplo, a distribución en U resulta o máis acertado, xa que permite concentrar os mobles altos nunha única parede e alixeirar o espazo restante cunha sinxela barra, que á súa vez dá paso á luz natural que entra pola fiestra.
A cor branca, utilizada tanto nos acabados do mobiliario como no mesado, termina creando un ambiente realmente luminoso e acolledor.
Aínda que o menos arriscado é optar por tonalidades claras, o negro tamén é compatible coas cociñas pequenas. Se optamos por esta cor, gañarán moita presenza os puntos de luz artificial que instalaremos en sitios crave, tal e como se mostra na seguinte imaxe.
Aquí integrouse a luz LED na parte inferior dos mobles altos. Isto potencia a visibilidade no lugar onde se concentra a zona de traballo e permite que a cociña dispoña dunha luz continua, homoxénea e sen cegamentos.
O perfil de iluminación, que incorpora enchufes e canle para accesorios, pódese personalizar para seguir a estética xeral da estancia. Na seguinte imaxe optouse por instalalo en gris, a xogo co panel da parede.
Cando contamos con poucos metros cadrados, cada detalle conta. Por iso, sempre é recomendable incluír accesorios específicos para o perfil de iluminación LED. Accesorios que lucirán especialmente en madeiras de freixo oliveira ou de nogueira, como se mostra neste estante multiusos.
Iluminar unha cociña escura: máis claridade sen necesidade de realizar obras
Se dispoñemos dunha cociña escura e queremos renovala, poderemos facela máis luminosa e acolledora sen necesidade de realizar obras.
Nestes casos é importante que prestemos atención aos tres tipos de iluminación que podemos incorporar nunha cociña escura:
- Iluminación xeral, coa que xerar unha luz uniforme e constante en toda a estancia. Decantarémonos neste caso por luces encaixadas ou plafóns de teito. Se lle engadimos iluminación LED, conseguiremos aforrar a través dunha solución sostible.
- Ambiental, para dar luz a determinadas zonas e multiplicar a claridade en cociñas escuras. Para iso, utilizaremos lámpadas colgantes encima dunha mesa, luz nunha vitrina…
- Funcional, para traballar de forma cómoda e segura. Fai referencia aos puntos de luz proxectados sobre superficies como o mesado ou a placa de cocción, que nos axudan a visualizar da mellor forma posible os alimentos e os utensilios de cociña.
Outra idea é aproveitar ao máximo o espazo da parede para achegar luz. Na cociña da seguinte imaxe toda a parede detrás da vitrina se segmenta ata o teito a través de baldas provistas de luces LED, ao que hai que sumar o perfil de iluminación, que proporciona luz directa sobre o mesado.
Se temos a posibilidade de realizar obras na cociña e optamos por abrila ao comedor, resultará adecuado seleccionar proxectos como o da imaxe que mostramos a continuación. Aquí a cociña escura ábrese ao comedor para eliminar ao completo as interferencias visuais e aproveitar toda a luz natural que entra desde outras estancias da casa.
Iluminar cociña con illa: a presenza de lámpadas colgantes
Se a túa cociña dispón dunha distribución con illa, será fundamental prestar atención á súa iluminación. Trátase dun espazo que habitualmente condensa varias funcións. Unha boa opción son as lámpadas colgantes, que resultan moi funcionais e que, á vez, poden achegar unha importante presenza estética.
Normalmente, nestes proxectos adoita incorporarse unha campá escondida para non deter o paso da luz natural. Non obstante, se a illa inclúe unha campá decorativa, teña en conta que actuará como unha lámpada máis, proxectando unha luz útil na superficie de cocción.
Solucións elegantes para iluminar cociña con barra
As lámpadas para iluminar as barras de cociña permítennos distinguir a zona de almorzos da mesa para comidas a diario. Estes elementos non só sérvennos para iluminar de forma directa sen cegamentos, senón que decoran o ambiente e axudan a crear unha atmosfera con moita personalidade.
Algo que funciona moi ben en cociñas con barra son as campás extractoras integradas. Ademais de achegar discreción e axudar a crear ambientes minimalistas, potencian a luminosidade ao deixar á vista unicamente un estreito frontal.
Existe a posibilidade, ademais, de substituír o frontal do extractor por un perfil en aluminio igual ao perfil de iluminación de Santos. Así, mantemos a continuidade visual e logramos que a campá pase totalmente desapercibida.
Por último, non nos podemos esquecer dos interiores dos armarios, que poden gañar moito protagonismo co sistema de iluminación interior de Santos para dotar a toda a estancia de maior calidez.
Neste último caso, a vitrina non só supón un espazo de almacenaxe útil para gardar a vaixela, senón que conta co sistema de iluminación interior que a converte nunha fantástica fonte de luz ambiental indirecta.
En Santiago Interiores dispoñemos de solucións de iluminación adaptadas a todo tipo de necesidades. Ademais das opcións máis discretas e prácticas que ofrece a iluminación LED, podemos complementar o proxecto con paneis decorativos, que axudan a proporcionar ao conxunto unha maior uniformidade de cor. Queres que te asesoremos? Reserva a túa cita co noso equipo de deseño de interiores. Encantaríanos axudarte a mellorar a túa cociña ou a renovala por completo.