O noso showroom renovou algúns dos seus ambientes, e facíanos ilusión celebralo en compañía. Por iso onte, 17 de novembro, organizamos un evento destinado a prescriptores e profesionais do sector da arquitectura e o interiorismo, co obxectivo de presentarlles en primicia as nosas novas exposicións.
Inauguramos toda a zona central da tenda, na que dispuxemos unha nova cociña con península en acabado Cashmere, unha zona de vitrinas e mobiliario de salón da liña Living e unha práctica lavandaría. Tres espazos que complementan o percorrido xa existente e onde se poden ver algunhas das últimas novidades da marca Santos.
Sonsoles Cabana, responsable da tenda, foi a encargada de dar a benvida aos preto de 60 asistentesacompañada do resto del equipo: os comerciais Emma López, Lucía Martínez e Francisco Moreno; o supervisor técnico, Jesús Fiuza; a xestora de comunicación Paula Ferreira e a encargada de loxística e facturación, Sonia Castiñeiras.
A continuación, Renato Alonso, responsable do Departamento de Produto da marca Santos, deu unha breve charla informativa sobre os aspectos destacables e características diferenciadoras do mobiliario que conforma as novas exposicións. Renato incidiu especialmente nalgunhas das novidades da colección de Santos, presentes agora no noso showroom, como a nova plataforma, o tirador lineal, o módulo portaplacas para integrar placa con extractor ou o moble escamoteable para lavandaría. Tamén explicou aos asistentes algúns dos trazos diferenciadores e exclusivos dos mobles expostos, como a maximización da capacidade, a atención aos interiores ou as múltiples opcións de personalización.
Os asistentes puideron preguntar dúbidas e compartir as súas consultas antes de percorrer os tres ambientes ao seu ritmo, experimentando de primeira man as distintas texturas, solucións e acabados.
Nun ambiente distendido e ameno, finalizamos a sesión cun delicioso catering a cargo de Grupo Baiuca, que, sen dúbida, deixou un bo sabor de boca a todos os nosos invitados.
Moitas grazas a todos os que vos achegastes a coñecer os nosos ambientes renovados! Foi un auténtico pracer compartir a velada con vós.
