Á hora de reformar unha cociña non só hai que decidir que mobles queremos poñer ou como dispoñelos. Elixir o revestimento das paredes da cociña tamén xogará un papel chave na funcionalidade e estética da nova estancia. Ata fai pouco, os azulexos parecían practicamente a única opción, pero hoxe en día outros elementos como o panel parede, o papel pintado ou simplemente a pintura sobre a parede están gañando terreo.
Pero, son todos eses revestimentos axeitados para calquera recuncho da cociña? Pouco ten que ver un área de traballo (que precisa unha parede recuberta por algún material antisalpicaduras, fácil de limpar e difícil de danar) que a zona de comedor, na que se adoitan buscar acabados máis cálidos e elegantes.
Repasamos agora algunhas ideas para revestir as paredes da túa cociña e contámosche que materiais resultan idóneos para cada ambiente.
Revestimentos de paredes de cociñas
Como diciamos, existen diferentes tipos de revestimentos para as paredes da cociña. Pero antes de decidirnos por un ou outro, é importante ter en conta as necesidades que ha de cubrir.
Así, as paredes que se sitúan na zona de traballo deben revestirse con materiais resistentes e duradeiros, aínda que iso non afecta, nin moito menos, á estética. É o caso da parede traseira da zona de cocción ou augas, unha área exposta constantemente a salpicaduras, manchas, calor ou humidade. En termos xerais, non sería moi recomendable revestir a parede destas áreas da cociña con materiais delicados como a madeira, o papel pintado ou unha capa de pintura.
Polo contrario, as paredes que se sitúan afastadas da zona de traballo contan con moitas menos restricións, e nestas áreas, é posible xogar coa mesma gama de revestimentos de parede que en calquera outra estancia da casa. No proxecto da imaxe superior podemos ver que o panel parede se combina con pintura, pero tamén con dúas paredes de pedra vista, unha proposta con moito encanto para vivendas rústicas.
Paneis de cociña
Na actualidade é tendencia empregar paneis parede na zona de traballo do mesmo material e acabado que o mesado. Deste xeito, lógrase un resultado harmónico e elegante, sen descoidar o práctico. E é que calquera material pensado para o mesado resultará tamén axeitado para a parede contigua! Ao fin e ao cabo, o que buscamos é o mesmo: unha superficie fácil de limpar, resistente á humidade, as manchas e a calor, e que requira pouco mantemento.
Hoxe en día existen case tantos tipos de paneis parede como mesados: de cuarzo, de resina, porcelánicas, de pedras naturais como o granito ou a mármore… sen esquecer os paneis parede laminados, que contan cunha infinidade de acabados, incluíndo os de aparencia madeira, que permiten aportar calidez e confort a esta zona da cociña, sen restar comodidade.
En ocasións tamén se usan paneis acrílicos para cociña ou paneis de vidro (ou incluso espello) que ofrecen lixeireza e luminosidade e son moi apreciadas en estancias de dimensións reducidas, pero o certo é que a súa resistencia non iguala á dos paneis parede antes mencionados.
O panel parede pódese completar cun perfil Led moi práctico para iluminar a zona de traballo, e que ademais soporta as tomas eléctricas e diversos accesorios. Así, o panel parede queda totalmente limpo e continuo, o que o fai esteticamente aínda máis atractivo.
Cociña con papel pintado
Outra tendencia moi actual é a de incluír papel pintado na cociña, iso si, só nalgunhas paredes (habitualmente as que quedan preto da mesa de comedor, buscando crear así un ambiente diferenciado, máis acolledor). Ata fai pouco, as paredes da cociña recubríanse case sempre de azulexos, pero agora que a cociña adquire formas máis propias do salón, especialmente en espazos abertos, esa é unha opción menos atractiva para moitas familias. Pola contra, o papel pintado gaña popularidade ao resultar elegante, delicado e máis cálido.
Aínda que non se poña preto da área de preparación, é boa idea elixir un papel pintado lavable, de forma que calquera posible contratempo sexa sinxelo de solucionar. Ademais existen diversos tipos de papel decorativo: con base de papel (máis difícil de instalar), de tecido non tecido (máis usado na actualidade) ou de fibras naturais… En canto ao acabado, o habitual na cociña é decantarse por papel pintado vinílico, xa que é máis resistente e fácil de limpar.
Unha das vantaxes do papel de parede para a cociña é que aporta moitísimo carácter. Existen innumerables motivos: naturais, xeométricos, lisos, con textura…O difícil será decidirse!
Azulexos para cociña
Trátase da opción máis clásica para revestir as paredes da cociña, e as súas vantaxes son claras: durabilidade, resistencia á humidade, fácil limpeza, existencia de numerosos deseños dispoñibles…
Agora ben, é certo que poden crear unha estética algo antiga na cociña, especialmente se revestimos todas as paredes da estancia. É posible atopar azulexos para cociña modernos? O mellor é buscar azulexos cerámicos sinxelos, de liñas suaves e cores neutras, e deixar a porcelana con grandes motivos florais para as cociñas rústicas. Os azulexos moi pequenos, tipo mosaico, tamén poden dar un punto singular e máis actual cando se usan en pequenas áreas.
En xeral, combinar o uso de azulexos para a fronte da cociña (na zona de traballo) con outros materiais no resto das paredes, ou incluso na parte superior da mesma parede, pode ser outra boa idea para modernizar as baldosas.
Respecto aos mellores azulexos para cociñas brancas, é posible elixir baldosas nesta mesma tonalidade. Na imaxe superior vemos como os azulexos tipo metro en cor branca crean uniformidade visual á vez que aportan un toque moderno, pero tamén se podería sacar partido do contraste con azulexos cheos de cor.
Cociñas con friso
Como xa vimos, é habitual colocar na parte máis exposta a danos da parede unha banda horizontal de azulexo, panel parede ou PVC que a protexa, mentres que no resto do mesmo tabique se aposta por outra opción máis delicada.
No caso da cociña que vemos arriba, as paredes con friso branco contribúen a alixeirar o ambiente e a dotar de singularidade a estancia. Iso conséguese simplemente combinando os azulexos brancos cun papel pintado tamén en tons claros.
Adhesivos para a parede da cociña
Más allá de los distintos papeles pintados, los vinilos autoadhesivos para cocinas de pequeño o gran formato son otra opción muy cómoda para renovar las paredes de la estancia sin necesidad de obra. Con ellos, puedes forrar los azulejos o la pared, dando un aire totalmente nuevo a tu zona de trabajo.
Su principal ventaja es su sencilla colocación, gracias al adhesivo que llevan incorporado. Además, están disponibles con todo tipo de motivos, también imitando materiales como los azulejos cerámicos, la madera, el mármol o cualquier otra textura.
Pinturas especiais para a cociña
Da mesma maneira que na zona de traballo case sempre se usa o azulexo ou o panel parede, no resto da cociña o máis habitual na actualidade é pintar a parede, tal e como se faría en calquera outra estancia.
Está claro, non obstante, que a cociña está moito máis exposta a manchas e suciedade, ademais de fumes, vapores ou salpicaduras. Isto é así tamén na zona de comedor ou de almacenaxe, pero sobre todo nas áreas de lavado e cocción. É boa idea, polo tanto, optar por pintura para parede de cociña lavable ou incluso pintura antigraxa.
Ademais, pode ser recomendable elixir un acabado satinado, xa que as cores totalmente mate disimulan peor as manchas. En calquera caso, unha vantaxe da pintura é que é moito máis fácil de renovar que os azulexos, por exemplo, polo que cambiala cada dous ou tres anos pode ser unha forma interesante de darlle un toque novo á túa cociña de cando en vez e manter as paredes sempre en bo estado.
Cociña revestida en madeira
Ademais de pintar ou alicatar as paredes hai numerosos revestimentos que están gañando popularidade. É o caso dos paneis parede que vimos antes, pero tamén dos revestimentos de microcemento ou incluso madeira. No proxecto superior, por exemplo, podemos ver como o panel parede en laminado Nogal combina coa traseira da illa.
Se ben a madeira pode non ser moi apropiada para a zona de traballo, os laminados en acabados madeira permiten sacar partido das vantaxes deste material natural sen enfrontarse aos seus inconvenientes. Pola súa parte, noutras zonas da cociña expostas a menos trafego si pode ser posible revestir a parede con panelados de madeira natural para lograr un acabado máis rústico e acolledor.
Se despois de ler este completo artigo aínda non tes claro que revestimento empregar nas paredes da túa cocina, non dubides en consultalo co noso equipo de interioristas. Estarán encantados de mostrarte distintas opcións e deseñar un proxecto a medida para ti. Pide cita!
