[Actualizado a 17 de novembro de 2021]
As cores escuras aportan sofisticación e personalidade a calquera estancia, por iso non é raro que as cociñas grises sexan unha das últimas tendencias en decoración. Contemporáneo, cálido, elegante… a gris é unha cor moi versátil que pode converter a zona de traballo nun espazo único.
Outra das vantaxes desta tonalidade é que podemos xogar coa súa intensidade –regulando o seu maior ou menor protagonismo–, así como combinala con madeira ou con branca. Este xogo de contrastes ofrece resultados estéticos e funcionais que se integran moi ben en ambientes nórdicos ou minimalistas pero tamén clásicos ou rústicos.
Traémosche agora algunhas imaxes e ideas para aplicar as cores grises a esta zona da casa.
Cociña gris e branca: un clásico que non falla
Combinando nunha mesma estancia mobles de cociña grises e brancos logramos matizar a sobriedade dos tons escuros, aportando un extra de luminosidade. Neste proxecto vemos como se distribúen as distintas cores por zonas de traballo, deixando a branca para as áreas de lavado, preparación e cocción, na illa, e a gris para as de electrodomésticos e almacenamento, nos armarios columna.
Gris escura e mesado branco
Aínda que o máis habitual nas cociñas combinadas en gris e branca, é empregar unha das cores, para os mobles, e a outra, para o mesado.
Nesta luminosa cociña, que recibe a luz do sol durante practicamente todo o día, utilizamos o acabado Gris Antracita para aportar volume e carácter. Esta cor contrasta coa tonalidade clara de paredes, teito e mesados, dando como resultado unha estética de liñas puras moi contemporánea, funcional e confortable.
Xogo bicolor
Unha opción intermedia, que tamén é tendencia, é usar a cor gris só nos mobles baixos, e nos mobles altos utilizar o branco. Neste proxecto de Santos o acabado Gris Antracita dos módulos inferiores e dos armarios columna combínase co branco das vitrinas superiores, e cun mesado de laminado en acabado Nogueira. O resultado: unha cociña gris e branca moderna, cálida e moi práctica.
Cociña gris e negra: espazos con moito carácter
Nesta cociña do noso showroom as cores escuras son as grandes protagonistas. Así, a negra dos armarios columna compleméntase cunha illa en acabado Mármore Gris, na que a beleza do veado de inspiración natural crea un espazo repleto de personalidade.
Cociña gris e madeira: confortable e acolledora
Un xeito de conseguir que unha cociña gris mate resulte moito máis cálida é combinala con tonalidades madeira. Como vemos nesta composición, simplemente incluíndo uns armarios altos e un panel parede en Nogueira Terra, a sensación de confort multiplícase. O mesado de granito, tamén en gris, pola súa parte, proporciona textura e elegancia.
Nesta outra cociña, sen embargo, o acabado Carballo Fumé ten máis presenza, mentres que o gris Visón limítase á zona da illa e mobles baixos, tanto nas frontes como no mesado. Se, polo contrario, apostáramos por unha cociña gris escuro, a madeira igualmente escura contribuiría a crear un aspecto clásico e impoñente, mentres que un acabado máis clariño, como o olmo, daría como resultado un ambiente máis actual e informal.
Cociñas grises claras: un extra de luminosidade
Se o que buscas é un ambiente moi relaxado e luminoso, podes optar por unha cociña gris claro, por exemplo, co acabado Cashmere, a medio camiño entre o gris e o beixe.
No caso dunha cociña gris claro con brillo, lógrase un resultado aínda máis luminoso, especialmente se se combinan os mobles con outros en branco brillo.
Cociña gris antracita: pura elegancia
Como diciamos, unha das vantaxes da cor gris é que conta cunha gama cromática moi variada, que vai desde os tons máis claros (como o Cashmere ou o Area), aos máis escuros. Acabados como o Bromo ou o Antracita aportan moitísima elegancia, pero esixen, iso si, estancias máis amplas e luminosas para lucir en todo o seu esplendor.
Todo ao gris
Esta cociña de Santos caracterízase pola uniformidade de tons grises utilizada no mesado e nas frontes, con acabado Gris Area. O contrapunto pono, nesta ocasión, a madeira do chan. Lógrase aquí un equilibrio acolledor e confortable que invita a gozar deste espazo a todas horas.
Cociña e mesado gris en distintos tons
Outra forma de darlle protagonismo ao gris é empregalo en frontes e mesado, pero en distintos tons. Vémolo nesta cociña, na que o Gris Antracita dos mobles contrasta e vese realzado polo laminado Ceppo di Gré do mesado e parede.
Se queres coñecer de primeira man as diferentes opcións de acabados grises e recibir asesoramento personalizado para aplicar estas tonalidades na túa cociña, non dubides en contactar con nós. Encantaranos axudarte a facer realidade o teu proxecto.
