Ter unha illa na cociña é o soño de moitas persoas, en gran medida pola súa elegancia e deseño moderno. Porén, o seu atractivo vai moito máis alá do visual: as illas tamén ofrecen numerosas vantaxes prácticas que contribúen a transformar a cociña nun lugar máis funcional e versátil. Dende engadir superficies de traballo adicionais ata crear un recuncho ideal para socializar, neste artigo falaremos sobre como unha illa pode redefinir por completo a experiencia na túa cociña.
Mobilidade e aproveitamento do espazo en cociñas con illa
Unha das vantaxes das cociñas con illa apréciase nos casos de cociñas abertas ao salón. Con este tipo de distribucións, a illa actúa como un eixo en torno ao que se organizan e definen os distintos espazos sen necesidade de paredes que os separen.
Situada estratexicamente no centro, a illa permite unha distribución máis eficiente da área e mellora a mobilidade, favorecendo un fluxo cómodo entre a zona de cociña e o salón. Tal e como sucede no proxecto da imaxe superior, esta disposición crea unha transición natural entre ambos espazos, aportando funcionalidade e reforzando a conexión dos ambientes.
Adicionalmente, ao estar illada do resto do mobiliario, unha illa ofrece acceso ao mesado desde os catro lados. Isto non só optimiza o espazo dispoñible, senón que permite unha circulación máis fluida, facilitando que varias persoas poidan traballar simultaneamente sen interrumpirse. Esta característica resulta especialmente útil en cociñas familiares ou para aqueles que desfrutan cociñando en compañía.
Versatilidade das illas de cociña
Unha das características máis valoradas das illas de cociña é a súa gran versatilidade. Ademais de ser unha superficie de traballo adicional en si mesma, unha illa pode adoptar distintas funcións que se adaptan ás necesidades de cada fogar.
Desde converterse nunha barra para comidas informais ata incluir espazo de almacenamento ou, incluso, unha zona para preparar alimentos, as opcións son amplas e personalizables.
Neste exemplo, a illa foi concibida fundamentalmente como área de preparación dos alimentos, xa que toda a súa superficie se configura como un mesado totalmente despexado. Conta, ademais, cunha barra e dous tallos que permiten almorzar ou tomar un aperitivo rápido sen necesidade de desprazarse ao comedor. Na súa parte interior, incorpora tres módulos baixos de servizo que amplían a capacidade de almacenaxe, mentres que na externa, un panel en acabado madeira Nogueira aporta calidez, ademais de conectar co interiorismo do resto da zona de día.
Neste outro proxecto, cunha illa de dimensións más amplas, aumentáronse tamén as súas funcións. Ademais de ter espazo de mesado para a preparación de alimentos, así como a barra para comidas rápidas, esta illa acolle, incluso, a zona de cocción. Cunha placa de indución de 80 cm e unha campá de teito, esta familia pode cociñar coa vista posta no comedor e o salón.
Outra opción é non incluír a barra na propia illa, senón adosala a ela, como fixemos no proxecto que podes ver na imaxe superior. A illa acolle a zona de lavado e tamén incorpora múltiples opcións de organización e traballo en ambas caras: caixoneiro, lavalouza integrado e moble portavertedoiro con caldeiros de reciclaxe na interior da illa, máis tres módulos baixos con estantes e sistema de apertura asistida na exterior.
Anexo á illa dispuxemos un impresionante mesado en acabado Roble Rústico Sincro que, complementado con catro tallos, funciona como comedor de diario.
Comunicación nas cociñas con illa
Como xa adiantamos, outra vantaxe chave das illas de cociña é que fomentan a comunicación e a interacción no fogar, especialmente en espazos abertos que conectan co salón.
Ao funcionar como un punto central, a illa permite que quen estea cociñando poida conversar facilmente con familiares ou invitados, integrando as actividades da cociña coa vida social do fogar.
Esta disposición facilita que as tarefas se realicen de maneira máis amena e que o espazo se transforme nunha área de encontro, onde cociñar se converte nunha actividade compartida e desfrutable.
Ideas de illas de cociña
Se estas vantaxes das cociñas con illa te convenceron para integrar unha no teu fogar, seguramente agora queiras buscar ideas de illas de cociña.
Recomendámosche ler o noso artigo de 32 cociñas con illa para inspirarte e, se queres poñerte mans á obra co deseño da túa illa de cociña, non dubides en pedir cita previa cun membro do noso equipo.
