A extensa variedade de modelos e accesorios da colección Santos permítenos deseñar na nosa tenda de Santiago de Compostela cociñas a medida, que se adaptan ao espazo dispoñible ou á estatura do usuario.

Santos dispón dunha ampla gala de acabados para personalizar as frontes, corpos e interiores dos mobles, polo que cada persoa pode configurar a súa cociña Santos ao seu gusto.

Os deseños depurados, ergonómicos e funcionais das cociñas Santos facilitan as tarefas, favorecen a organización e ofrecen a máxima capacidade de almacenaxe no mínimo espazo.

As cociñas Santos empregan exclusivamente materiais e sistemas construtivos de calidade contrastada, que garanten unha resposta óptima ás esixencias máis elevadas.

Esta cociña aberta con illa e vitrinas sitúase nun piso rehabilitado dentro dun edificio señorial de principios do século XX. Os seus propietarios realizaron nel unha rehabilitación respectando elementos arquitectónicos orixinais, como os teitos altos con cornixas ornamentadas, as amplas ventás e a carpintaría en madeira. O predominio da cor branca potencia a luminosidade do ambiente, mentres que os detalles en madeira e tons cálidos aportan equilibrio e confort.

O deseño da cociña, con frontes enmarcadas por un perfil e pomos de madeira maciza, encaixa na estética clásica da vivenda. A distribución en paralelo enfronta unha gran illa central cun lineal de armarios columna, mobles baixos e vitrinas. Esta organización facilita a conexión co comedor e a sala de estar, xerando un espazo fluído e funcional.

A illa central é o eixe principal da estancia. Nela agrúpanse as principais áreas de traballo, permitindo un uso eficiente do espazo. Ademais de ser unha superficie ampla para preparar alimentos, tamén funciona como punto de reunión, conectando visualmente a cociña co resto da zona de día.

As vitrinas inclúen un sistema de iluminación lateral, integrado nun perfil de aluminio negro, que proxecta uha luz homoxénea cara o interior do moble.

Os armarios columna contan con interiores personalizados no mesmo acabado madeira que as vitrinas, aportando uniformidade cando as portas do moble están abertas.

Un moble auxiliar, sobre unha estrutura metálica negra e con frontes de chapa de madeira natural, conecta a cociña co comedor e o recibidor, reforzando a continuidade entre espazos.

Esta cociña gris aberta con península e andel comparte un ambiente amplo e diáfano co comedor e a zona de lectura, constituíndo o núcleo ao redor do cal se articula a convivencia familiar durante o día. As liñas puras destes mobles de cociña grises contribúen á súa plena integración nun espazo aberto e polivalente. As tarefas de preparación, lavado e cocción reúnense nunha gran península que, ao estenderse en paralelo ao comedor, funciona como elemento de transición entre as áreas de traballo e as de lecer.

Un andel con panel parede e baldas estrutura o espazo dispoñible sobre o mesado, permitindo ter sempre a man recipientes, receitarios ou útiles de cociña. O andel desta cociña con península e mesa incorpora dous sistemas de iluminación exclusivos. Un deles, integrado no canto posterior das baldas, proxecta luz decorativa indirecta sobre o panel. O outro, instalado baixo a balda inferior, proporciona luz de apoio á superficie de traballo e conta con tomas eléctricas e unha canle para accesorios de cociña.

Os mobles columna integran frigorífico, fornos e vinoteca. A súa modulación superponible prolonga a capacidade cara ao teito, mentres que as súas zonas inferiores equípanse con prácticas gavetas.
Una gran vitrina con caixóns interiores ofrece servizo tanto á cociña como ao comedor e convértese nunha fonte de luz ambiental indirecta grazas ao seu sistema de iluminación para andéis.

As gavetas compleméntanse con accesorios como o prateiro con pivotes ou os separadores, que axudan a organizar os interiores.

O mesado de laminado Mármore Emperador, co seu elegante deseño, dota de carácter a esta cociña aberta.

O tirador lineal, de deseño estilizado e práctico, facilita a apertura e o acceso aos contidos tanto en mobles baixos como en armarios columna.

As barreiras entre estancias dilúense para crear espazos máis amplos, diáfanos e polivalentes, nos que un interiorismo equilibrado xunta funcionalidade e personalización. Nesta cociña gris con mesado braco, aberta á zona de día, a illa central concentra as áreas de preparación, cociñado, fregado e barra, ademáis de caixoneiras en ambas as caras. Unha gran vitrina e unha composición de armarios columna, situadas en perpendicular á illa, complementan o amoblamento.

A zona de vitrinas nesta gran cociña aberta combina mobles con porta enteira de vidro e caixoneiras con mesado que crean unha zona adicional de traballo dotada de perfil LED con iluminación, chaves da luz, tomas de corrente e canle para accesorios.

A zona de columnas, pola súa banda, presenta unha modulación con estantes na parte superior e caixóns interiores na inferior, ofrecendo múltiples opcións para almacenar utensilios e provisións de maneira organizada, algo especialmente importante en cociñas abertas ao salón. Os seus tiradores lineais, discretos e prácticos, fusiónanse cos mobles.

O comedor contiguo a esta cociña con vitrinas equípase cun andel aparador que conta con baldas dotadas de iluminación inferior e caixoneiras, máis un perfil LED superior que proxecta luz indirecta cara ao teito.

Na biblioteca, o andel suspendido combina armarios columna e paneis con baldas, permitindo ocultar elementos ou expoñelos á vista. O piano comparte espazo cunha elegante composición modular.

A zona de día tamén inclúe un estudo con taller de proxectos, equipado cun amoblamento baseado en paneis parede, baldas e caixoneiras.

A cociña ocupa o núcleo da vivenda, un espazo que comparte co comedor e a zona de lectura. Unha gran illa central convértese no eixo vertebrador do ambiente e ao redor dela sitúase o resto do equipamento da cociña, totalmente integrado na arquitectura da casa.

As cociñas deixaron de deseñarse como espazos destinados exclusivamente a cociñar. Cada vez ábrense máis ao resto do fogar, fusionándose con outros ambientes para converterse en destacados puntos de reunión e convivencia. Os mobles de cociña deseñados por Santos incorporan múltiples opcións de integración e almacenaxe, pensadas para lograr que todo se atope sempre recolleito e organizado, unha necesidade de especial importancia no caso de cociñas abertas.

A illa concentra as áreas de preparación, cocción e fregado, e incorpora múltiples opcións de almacenaxe e organización nas súas dúas caras. A zona de armarios columna desta cociña con illa, reúne unha composición de 6 módulos onde se sitúan o frigorífico, o conxelador e un funcional moble escamoteable. Unha ampla vitrina feita en Aluminio Negro completa o amoblamento da estancia. Esta vitrina resulta moi práctica para gardar a vaixela ou expoñer obxectos decorativos e está dotada dun sistema de iluminación LED para estantes que a poden converter nun punto de luz ambiental indirecta.

Máis cociña en menos espazo. Unha cociña en paralelo que se converte no corazón do fogar. Un amoblamento que axuda a crear vivendas máis confortables e habitables. Multitude de solucións de integración, iluminación e almacenamento que buscan dar resposta a todas as necesidades que xurden no traballo cotiá na cociña.

A cociña en paralelo situase ao lado da zona de comedor, facendo que o desprazamento dunha estancia á outra sexa moito máis práctico e cómodo. Unha porta corredía vidrada fai posible illar os espazos cando é necesario, á vez que permite manter a luminosidade e conexión visual. A mesa de comedor sitúase xusto fronte a cociña en paralelo.

Unha illa equipada en detalle para que nas zonas de fregado e cocción non falte de nada. Unha zona de columnas que fai posible que todo se encontre recolleito e ordenado nunha cociña con illa aberta ao comedor. Unha sabia combinación de cores e acabados que reflicten a esencia clásica das cociñas e harmonizan coa arquitectura da vivenda.

Esta cociña con illa convértese nese gran espazo desexado polos seus propietarios, capaz de transformar calquera reunión ao redor da mesa nunha gran ocasión. A amplitude da estancia fai posible dispoñer dunha gran illa central, situada entre a zona de almacenaxe e a mesa do comedor. Os caixóns e gabetas da illa fan que todos os accesorios e obxectos de uso cotiá nesta zona da cociña se atopen á vista, accesibles e organizados. Os caixóns superiores poden personalizarse con distintos acabados, incluíndo a cor grafeno exclusiva de Santos.

A acertada distribución da planta consegue que a cociña lineal, o comedor, o estudio e o salón compartan un gran espazo aberto. Un amoblamento con caixóns rodapé que fai posible aproveitar todo o espazo en altura na zona baixa da cocina. Múltiples solucións de integración e almacenaxe que contribúen a sacar o máximo partido a cada centímetro dispoñible nesta cociña aberta ao estudio e ao salón.

A polivalencia do espazo no que se sitúa esta cociña lineal requiriu que se prestase especial atención á planificación, á luz e á estética do conxunto. Todos os elementos debían equilibrarse para favorecer a fluidez das tarefas cotiás, dos procesos creativos e das pausas para desconectar da rutina diaria. Os sistemas de iluminación, os acabados e as liñas estilizadas dos mobles deseñados por Santos axudan a integrar esta cociña lineal na arquitectura, de maneira natural e sen sobrecargala.

As barreiras que separan as zonas de lecer e traballo elimínanse nesta cociña aberta con illa, deixando paso a un espazo pensado para vivir. Unha illa equipada en detalle que se converte no eixo da estancia. Un bloque de armarios columna que conforma un tabique funcional onde se ocultan prácticas solucións de traballo e almacenamento.

Na illa desta cociña aberta ao salón e ao comedor destaca o amoblamento con caixóns rodapé, que prolongan a capacidade dos mobles ata o chan, aproveitando toda a altura e profundidade dispoñibles baixo o mesado. Os caixóns superiores poden personalizarse combinando distintos acabados. Os interiores dos armarios columna e escamoteables son totalmente personalizables, combinando múltiples acabados para corpo, costados, estantes, traseira, mesado e frontes de caixóns.