Gran Cocina con Isla y Columnas Hasta el Techo. Santiago Interiores

Cociña con illa, columnas ata o teito, aparador e comedor

Unha das moitas opcións de distribución, mobiliario e personalización que Santos pode ofrecerche para a túa cociña.

Unha illa equipada en detalle para que nas zonas de fregado e cocción non falte de nada. Unha zona de columnas que fai posible que todo se encontre recolleito e ordenado nunha cociña con illa aberta ao comedor. Unha sabia combinación de cores e acabados que reflicten a esencia clásica das cociñas e harmonizan coa arquitectura da vivenda.

Esta cociña con illa convértese nese gran espazo desexado polos seus propietarios, capaz de transformar calquera reunión ao redor da mesa nunha gran ocasión. A amplitude da estancia fai posible dispoñer dunha gran illa central, situada entre a zona de almacenaxe e a mesa do comedor. Os caixóns e gabetas da illa fan que todos os accesorios e obxectos de uso cotiá nesta zona da cociña se atopen á vista, accesibles e organizados. Os caixóns superiores poden personalizarse con distintos acabados, incluíndo a cor grafeno exclusiva de Santos.

A espectacular zona de armarios columna que completa esta cociña con illa integra: mobles de servizo con estantes, portafornos con gabetas interiores, portaútiles multiuso, frigorífico, conxelador e un moble escamoteable de 120 cm de ancho. As frontes deste último agóchanse temporalmente nos laterais do armario, facilitando a visibilidade e o acceso. O impoñente aparador da zona de comedor desta cociña grande con illa conta con completos mobles caixoneiros nos que organizar o enxoval, os manteis ou diversos utensilios, e con vitrinas sobre mesado provistas de iluminación interior para estantes.

cocina con isla y muebles columna santiago interiores

Por que elixir unha cociña Santos?

Deseños adaptables a cada proxecto

A extensa variedade de módulos e accesorios da colección Santos permítenos deseñar na nosa tenda de Santiago de Compostela cociñas a medida, que se adaptan ao espazo dispoñible ou á estatura do usuario.

Amplas posibilidades de personalización

Santos dispón dunha ampla gala de acabados para personalizar as frontes, corpos e interiores dos mobles, polo que cada persoa pode configurar a súa cociña Santos ao seu gusto.

Funcionalidade, ergonomía e capacidade

Os deseños depurados, ergonómicos e funcionais das cociñas Santos facilitan as tarefas, favorecen a organización e ofrecen a máxima capacidade de almacenaxe no mínimo espazo.

Resistencia ao uso e ao paso do tempo

As cociñas Santos empregan exclusivamente materiais e sistemas construtivos de calidade contrastada, que garanten unha resposta óptima ás esixencias máis elevadas.

Atopa máis ideas para inspirarte

Tamén podes descargar e consultar o catálogo da última colección de cociñas Santos:

Catálogo Santos

Queres coñecer todos os acabados e posibilidades das cociñas Santos?

Visita a nosa tenda e amosarémosche as múltiples opcións de configuración e personalización das cociñas Santos. Ademais, poderás comprobar de primeira man a calidade dos acabados.

Solicita unha cita previa