Unha das moitas opcións de distribución, mobiliario e personalización que Santos pode ofrecerche para a túa cociña.
Cociña aberta con
península e andel
Esta cociña gris aberta con península e andel comparte un ambiente amplo e diáfano co comedor e a zona de lectura, constituíndo o núcleo ao redor do cal se articula a convivencia familiar durante o día. As liñas puras destes mobles de cociña grises contribúen á súa plena integración nun espazo aberto e polivalente. As tarefas de preparación, lavado e cocción reúnense nunha gran península que, ao estenderse en paralelo ao comedor, funciona como elemento de transición entre as áreas de traballo e as de lecer.
Un andel con panel parede e baldas estrutura o espazo dispoñible sobre o mesado, permitindo ter sempre a man recipientes, receitarios ou útiles de cociña. O andel desta cociña con península e mesa incorpora dous sistemas de iluminación exclusivos. Un deles, integrado no canto posterior das baldas, proxecta luz decorativa indirecta sobre o panel. O outro, instalado baixo a balda inferior, proporciona luz de apoio á superficie de traballo e conta con tomas eléctricas e unha canle para accesorios de cociña.
Os mobles columna integran frigorífico, fornos e vinoteca. A súa modulación superponible prolonga a capacidade cara ao teito, mentres que as súas zonas inferiores equípanse con prácticas gavetas.
Una gran vitrina con caixóns interiores ofrece servizo tanto á cociña como ao comedor e convértese nunha fonte de luz ambiental indirecta grazas ao seu sistema de iluminación para andéis.
Estética, funcionalidade e organización
As gavetas compleméntanse con accesorios como o prateiro con pivotes ou os separadores, que axudan a organizar os interiores.
O mesado de laminado Mármore Emperador, co seu elegante deseño, dota de carácter a esta cociña aberta.
O tirador lineal, de deseño estilizado e práctico, facilita a apertura e o acceso aos contidos tanto en mobles baixos como en armarios columna.
Por que elixir
unha cociña Santos?
Deseños adaptables a cada proxecto
A extensa variedade de módulos e accesorios da colección Santos permítenos deseñar na nosa tenda de Santiago de Compostela cociñas a medida, que se adaptan ao espazo dispoñible ou á estatura do usuario.
Amplas posibilidades de personalización
Santos dispón dunha ampla gala de acabados para personalizar as frontes, corpos e interiores dos mobles, polo que cada persoa pode configurar a súa cociña Santos ao seu gusto.
Funcionalidade, ergonomía e capacidade
Os deseños depurados, ergonómicos e funcionais das cociñas Santos facilitan as tarefas, favorecen a organización e ofrecen a máxima capacidade de almacenaxe no mínimo espazo.
Resistencia ao uso e ao paso do tempo
As cociñas Santos empregan exclusivamente materiais e sistemas construtivos de calidade contrastada, que garanten unha resposta óptima ás esixencias máis elevadas.
Atopa máis ideas
para inspirarte
Tamén podes descargar e consultar os catálogos das últimas coleccións de cociñas Santos:
Queres coñecer todos os acabados e posibilidades das cociñas Santos?
Visita a nosa tenda e amosarémosche as múltiples opcións de configuración e personalización das cociñas Santos. Ademais, poderás comprobar de primeira man a calidade dos acabados.
Es un profesional e queres coñecer máis sobre cociñas Santos?
Rexístrate e crea a túa conta na área profesional de Santos. Dispoñerás de acceso preferente a recursos e documentación de interese para profesionais da arquitectura, a decoración e o interiorismo.
