Casa Escribenta. Eloxio á luz

Esta vivenda unifamiliar de nova construción e estilo contemporáneo estrutúrase en torno a 5 patios que conectan interior e exterior. Propón un xogo de volumes en que as ventás e lucernarios teñen un papel destacado, proxectando a mirada ao ceo, ao espazo, ao infinito ou á paisaxe inmediata.

A cociña oriéntase cara á paisaxe rural que rodea a casa e dispón dunha grande illa central que articula o espazo e convérteo nun lugar acolledor no que gozar de xuntanzas e comidas con familiares e amigos.

As zonas de fregado e almacenamento en columnas sitúanse en paralelo á illa, mantendo o triángulo de traballo na cociña, facilitando os desprazamentos e contribuíndo á entrada de luz natural. A zona de fregado equípase con diversos mobles baixos, entre eles, o característico porta-vertedoiro de Santos con corpo fabricado integramente en taboleiro mariño. Santos ofrece unha ampla gama de porta-vertedoiros versátiles e resistentes, con anchos que van desde 45 a 120 cm, en formatos verticais ou horizontais e con multitude de combinacións de distribución, clasificación de residuos e aproveitamento interior co obxectivo de ofrecer solucións adaptadas ás necesidades de cada usuario. Os módulos columna que completan esta área da cociña destínanse á integración do frigorífico e ofrecen amplos espazos para o almacenamento de alimentos e utensilios de cociña.

Na illa é onde se sitúa a zona de cocción, equipada con mobles de caixóns de extracción total e sistema de retención con autopeche. Os caixóns organízanse en 3 niveis: un primeiro nivel pensado para ordenar os elementos de uso máis frecuente, un segundo nivel para gardar a louza e os alimentos e un terceiro nivel no que acomodar os utensilios de gran tamaño. O mesado que envolve a illa prolóngase na súa parte posterior para ofrecer unha superficie adicional na que degustar comidas rápidas ou simplemente sentarse a charlar coa persoa que está cociñando.