Una cocina abierta en la que disfrutar del fin de semana

Unha cociña aberta na que gozar da fin de semana

Esta vivenda, situada nunha contorna privilexiada e con vistas ao mar, é a segunda residencia dun matrimonio de mediana idade. Un lugar ao que acudir cada fin de semana para desconectar, pasear cos cans, e recibir visitas dos seus familiares e amigos. Por iso para eles era fundamental que a cociña fose ampla e cómoda, un espazo no que se puidera preparar a cea para moita xente e pasalo ben en compañía.

Una cocina abierta en la que disfrutar del fin de semana
A COCIÑA
Ano do proxecto
2020
Deseño
Santiago Interiores
Distribución
Con illa
Dimensións
16 m2
Mobiliario
Santos, modelo FINE
Acabado
Branco Seff
Tirador
Sen tirador
Mesado
Dekton Entzo de Silestone
A VIVENDA
Tipoloxía
Unifamiliar
Dimensións
300 m2 útiles de vivenda e 53 m2 de garaxe. De 398 m2 construídos
Localización
Ribeira
Arquitectura
Nela Prieto Méndez
Decoración
---
Estilismo
Sonsoles Cabana e Paula Ferreira
Fotografía

A planta baixa acolle unha zona de día aberta e diáfana, formada por cociña, comedor e salón. Trátase dunha estancia con numerosas fiestras que permiten a entrada da luz en practicamente calquera momento do día. A luminosidade natural do ambiente refórzase cunha paleta cromática con predominio de tons claros como o branco ou o crema, con puntuais notas de madeira que aportan equilibrio e calidez.

Zona de día abierta y diáfana, formada por cocina, comedor y salón

O interiorismo austero e contido favorece a liberdade de movementos e a interacción entre os usuarios. Así, é posible cociñar mentres se está a leriar cos invitados, alargar a sobremesa vendo o neto xogar no salón, ou recoller comodamente cando xa termina a xuntanza.

El interiorismo austero y contenido favorece la interacción entre los usuarios
Zona de comedor con mesa y sillas. Santiago Interiores

Branca e madeira, unha combinación cálida e luminosa

Na cociña atopamos a mesma gama de cores que no resto da zona de día. Optamos por un mobiliario de liñas puras e sinxelas en acabado Branco Seff. As frontes lisas e sen tirador do modelo FINE non só aportan beleza e discreción, senón que ademais facilitan a fusión dos mobles coa arquitectura da vivenda, algo esencial en espazos abertos.

Cocina con gama de colores unificados, blanco y madera. Santos
Mobiliario de líneas puras y sencillas en acabado Blanco Seff

Os mobles brancos combínanse cunha barra, un panel parede e un panel con baldas en Olmo Claro, o que contribúe a crear un ambiente máis cálido e acolledor, no que a área de traballo se converte nun lugar tan confortable como o salón.

Máximas prestacións para traballar, almacenar e gozar

Organizamos a cociña en forma de U arredor dunha illa central. Esta conta cunha ampla superficie de mesado destinada na súa totalidade á preparación dos pratos. Ademais, ofrece abundante espazo de almacenamento grazas a dous módulos con caixóns na parte interna e dous baixos de servizo na externa.

Cocina en forma de U alrededor de una isla central Santiago Interiores

A ela anéxase unha mesa con dous tallos, onde o matrimonio pode reunirse para almorzar ou tomar un petisco sen necesidade de cambiar de estancia, contemplando a marabillosa paisaxe que rodea a casa.

Mesado con dos taburetes para desayuno o picoteo. Santiago Interiores
Detalle del mesado de desayuno o picoteo. Santos

En paralelo á illa, un lineal de mobles baixos acolle a área de lavado, estratexicamente situada baixo unha fiestra para poder fregar gozando das vistas. Inclúe un lavalouza integrado, un moble portavertedoiro e tres baixos de servizo. A continuación dispuxemos o frigorífico e o conxelador.

Área de lavado bajo luminosa ventana. Santiago Interiores
Zona de encimera y área de cocción Santiago Interiores

Á esquerda, un armario columna integra forno e microondas, xunto a unha composición de mobles altos e baixos onde se sitúa a área de cocción.

Por último, á dereita, dous mobles baixos funcionan a modo de aparador, servindo de transición entre a cociña e o resto da zona de día. Enriba, un panel con baldas ofrece espazo para exhibir a vaixela ou pequenos artigos de decoración. Conta ademais cunha zona adicional de traballo, moi útil para preparar o almorzo e empregar pequenos electrodomésticos, grazas ao perfil de iluminación LED con tomas de corrente.

Cocina Santos con frigorífico y congelador en Ribeira
Zona de trabajo con perfil de iluminación LED. Santiago Interiores
Cocina abierta y diáfana con isla en Santiago Interiores

Con esta planificación logramos crear un ambiente cómodo, práctico, totalmente equipado e que cumpre cos requisitos dos propietarios, que poden compartir tarefas e momentos de ocio nunha cociña deseñada á súa medida.

Outros datos de interese

ELECTRODOMÉSTICOS
Bosch Lavalouza, forno, microondas, placa de cocción, frigorífico e conxelador
Pando Campá

¿Queres facer realidade a cociña dos teus soños?

Pídenos un proxecto directamente a través da web ou concertar unha cita para que poidamos axudarche sen esperar no noso showroom. Axudarémosche a crear a cociña dos teus soños.

Solicita un proxecto