Cocina gris con barra Santos - Diseño Santiago Interiores

Funcionalidade en pequenos espazos: unha cociña de 9m2 reimaxinada

Nun popular barrio de Ames, moi próximo a Santiago de Compostela, encóntrase este acolledor dúplex que a súa dona decidiu reformar para darlle un aspecto máis actual e renovado.

A anterior cociña, de estética máis campestre, xa non era do agrado da propietaria, polo que decidiu acudir ao noso showroom para que lle axudásemos a conseguir a cociña dos seus soños: de liñas sinxelas e nun acabado escuro.

Cocina gris y madera Santos - Diseño Santiago Interiores
A COCIÑA
Ano do proxecto
2022
Deseño
Santiago Interiores
Distribución
En L
Dimensións 9 m2
Mobiliario
Santos, modelo FINE
Acabado
Gris Antracita
Tirador
Sen tirador
Mesado Negro Zimbabwe de Levantina
A VIVENDA
Tipoloxía
Dúplex
Dimensións
97 m2
Localización
Ames (A Coruña)
Interiorismo
Myka Deco
Estilismo
Myka Deco
Fotografía

Partindo desas premisas, deseñamos unha cociña no modelo FINE, que aporta lixeireza visual á estancia, e optamos polo acabado Gris Antracita. Como contrapunto, decidimos aportar certos toques de madeira en consonancia co chan elixido para a estancia. Un exemplo é o panel parede da zona de fregado e cocción, en acabado CarballoNatural.

Cocina gris y madera Santos diseño - Santiago Interiores
Cocina gris y madera Santos diseño -

Unha distribución en L totalmente aproveitada

Tendo en conta os distintos condicionantes da planta da estancia, decidimos amoblar os dous tabiques principais da cociña en forma de L. 

O primeiro lineal comeza, pola súa esquerda, cun frigorífico combi á vista, sobre o cal se dispón un moble superpoñible que chega ata o teito para aproveitar toda a altura dispoñible. Este módulo é ideal para gardar aqueles elementos que se utilizan con menos frecuencia, tales como fontes ou bandexas moi grandes para ocasións especiais, moldes de repostería, etc.

Cocina gris y madera Santos - Diseño Santiago Interiores
Cocina gris y madera Santos - Diseño Santiago Interiores

Á súa dereita dispuxemos a zona de cocción, cunha placa de indución de 60 cm. O amoblamento resolveuse con mobles altos, tamén ata teito, entre os que se integra un grupo filtrante para a extracción de fumes. Na parte baixa, un módulo caixón con porta cubertos e gabetas de extracción total con accesorio para pratos aporta unha enorme capacidade de almacenaxe.

Pasando ao outro tramo da L, encontramos tamén unha composición de mobles altos e baixos, así como unha columna portafornos que, ademais, neste caso, integra un lavalouzas.

Cocina gris y madera Santos Diseño - Santiago Interiores
Cocina gris y madera Santos - Diseño Santiago Interiores

Tendo unha zona de augas composta por vertedoiro e billas negras, sumada ao mesado tamén negro, resulta vital coidar especialmente a iluminación desta área.  Co perfil de iluminación que se instalou no piso dos módulos altos, conseguimos proxectar luz indirecta sobre o mesado e facilitar así todas as tarefas que se realizan habitualmente nesta zona de traballo.

Almorzos cheos de confort

No tabique paralelo á zona de augas desta cociña, deseñouse unha composición de mesado a modo de barra, un módulo de caixóns e un panel parede con baldas. 

Esta área, ademais de aportar calidez ao ambiente, grazas aos seus acabados en madeira de Carballo Natural, fai as mañás da nosa clienta moito más fáciles.

Cocina gris con barra Santos - Diseño Santiago Interiores
Cocina gris con barra Santos - Diseño Santiago Interiores

En menos de dous metros de ancho, conseguimos dar servizo para dous comensais, así como introducir un módulo de almacenaxe para gardar nel todo o necesario para a primeira comida do día. Incluíndo un par de enchufes, puidemos situar tamén sobre a barra algúns pequenos electrodomésticos como a cafeteira.

Cocina gris con barra Santos - Diseño Santiago Interiores

Outros datos de interese

ELECTRODOMÉSTICOS
Blanco Billa e vertedoiro
Balay Lavalouzas, placa de cocción, forno
Samsung Frigorífico
Pando Campá extractora

Queres facer realidade a cociña dos teus soños?

Pídenos un proxecto directamente a través da web ou concertar unha cita para que poidamos axudarche sen esperar no noso showroom. Axudarémosche a crear a cociña dos teus soños.

Solicita un proxecto