Negro e madeira: unha elegante cociña con península

Partindo das necesidades dos usuarios (almacenamento e posibilidade de pasar tempo xuntos), deseñouse unha cociña en acabado Negro Seda e distribuída en U, de maneira que fose posible incluír a zona office dentro da propia cociña.

Vendo o espazo dispoñible, optamos por deseñar unha península que ofrece gran versatilidade. En primeiro lugar, permítenos delimitar a área máis puramente de cociña da que se podería concibir como comedor. Ademais, deixando unha parte de mesado voado na súa cara posterior, conseguimos deseñar unha barra óptima para os almorzos do día a día.

Esta práctica península conta, tamén, cunha gran capacidade de almacenaxe. As solucións incluídas son múltiples: na mesma cara que a barra, á súa dereita, inclúese un caixón de almacenamento de 60 cm de ancho. Doutra banda, na cara interna, a península configúrase con dous módulos portaplaca dun metro de ancho cada un, con senllos cuberteiros e gabetas.

A península acolle tamén a zona de cocción, que está equipada cunha placa de Flex indución e unha placa teppan yaki. En canto ao sistema de extracción de fumes, propuxemos aos clientes a instalación dunha discreta campá de teito que contribúe a manter a conexión visual entre a zona da cociña e a zona de comedor.

Grazas ás dimensións da península obtense unha ampla superficie de mesado a ambos os dous lados das placas, que resulta moi práctica para a preparación de alimentos. O espazo de traballo amplíase, mesmo, na zona de mobles situados baixo a xanela que completa a composición en U do amoblamento.

En canto aos mobles desta zona da xanela, incluíronse un baixo paneiro de 30 cm e un baixo de servizo de 60 cm con estantes.

Adentrándonos na cociña, atopámonos un frontal cunha composición de mobles altos e baixos cun panel parede en acabado madeira.

Trátase dunha parte clave na estética da cociña, pois é a que logra aunar a elegancia e calidez que buscabamos: o negro, presente no mobiliario, achega sofisticación, mentres que os tons marróns e neutros da madeira xeran un ambiente máis amable.

Os módulos altos son de apertura abatible, un sistema moi ergonómico grazas ao que podemos ver e acceder ao interior do moble dunha forma máis cómoda. Baixo eles, sitúase un perfil de iluminación LED, personalizado no mesmo acabado que no panel que recubre toda a parede desta zona: Carballo Rústico Sincro.

O perfil de iluminación LED con canle para accesorios equipouse, neste caso, cunha barra con ganchos e un soporte con bote multiusos. A combinación de solucións que ofrece este perfil, convérteno nun elemento chave para a funcionalidade diaria: proxecta luz sobre o mesado e o vertedoiro e permite manter a man todo o necesario para as tarefas que se realizan habitualmente na cociña.

Pola súa banda, a zona de columnas acolle os fornos e o frigorífico, ademais de prácticas opcións de almacenamento. Esta área conta cunha moble persiana sobre mesado, óptimo para o aproveitamento do espazo en esquina e moi práctico para ter a man e ocultar os pequenos electrodomésticos de uso máis frecuente na cociña.

Na zona de comedor, foi o equipo de MykaDeco o encargado de dar resposta ás necesidades e requirimentos dos clientes para este espazo.

Replicando o xogo de cores presente na cociña, incluíuse unha mesa de madeira con pata metálica negra. A ampla mesa fai posible que os propietarios desta vivenda e as súas fillas poidan pasar tempo xuntos a diario. As súas dimensións permiten, ademais, ampliar o espazo para cando os avós os visitan nas fins de semana e gozan con eles de longas sobremesas en familia.

A sintonía da cociña mantense tamén noutros elementos como as cadeiras, a lámpada, o papel pintado e mesmo a alfombra.

En canto ao almacenamento na zona de comedor, optamos pola instalación de tres mobles columna de servizo de 45 cm de ancho cada un. Estes mobles resultan moi prácticos para gardar tanto vaixelas, como enxoval ou mantelerías, que é importante ter preto da mesa de comedor. Ademais, polas súas dimensións, ofrecen un espazo amplo e discreto para gardar, por exemplo, os útiles de limpeza.