Rehabilitación a Fondo

O xurado recoñeceu, por entón, a habilidade de dar forma a un inmoble de só tres metros de ancho baixo a premisa da reciclaxe arquitectónica, que combina estruturas antigas con elementos contemporáneos. Recupérase así un edificio case esquecido que se adapta a novos usos e intégrase nunha contorna arquitectónica de gran valor, como é o casco urbano de Corcubión.

Os propietarios desexaban para esta vivenda singular unha cociña de liñas puras, sen tirador e que aproveitase ao máximo o espazo dispoñible. Dadas as dimensións da estancia e para garantir a entrada de luz natural, optouse por unha distribución lineal que reunise na única parede cega todo o mobiliario de cociña. Ademais, ao tratarse dunha cociña aberta, era importante tratar de concentrar todos os mobles nun mesmo lugar para evitar obstáculos nos desprazamentos. O modelo elixido para os frontais foi o MINOS-L lacado en cor branca. A brancura do mobiliario axudaba a suavizar o ambiente e combinaba á perfección coas tonalidades grises presentes no teito e no chan.