Cocina blanca con isla contemporánea funcional Santiago Interiores

Unha cociña contemporánea con vistas ao mar

En pleno paseo marítimo dunha pequena vila costeira, practicamente á beira do mar, atópase esta vivenda unifamiliar rehabilitada polo estudo de arquitectura 2é+. Unha proposta que trata de integrarse no espírito mariñeiro desta vila utilizando unha linguaxe actual, sinxela e austera, onde a cor branca é a gran protagonista. A súa cociña minimalista, deseñada por Santiago Interiores, comparte estas mesmas sinais de identidade.

A COCIÑA
Ano do proxecto
2020
Deseño
Santiago Interiores
Distribución
Con illa
Dimensións
32 m2
Mobiliario
Santos, modelo FINE
Acabado
Branco Innsbruck
Tirador
Sen tirador
Mesado
Compac Unique Calacatta
A VIVENDA
Tipoloxía
Vivenda unifamiliar
Dimensións
85 m2
Localización
Ría de Arousa (Pontevedra)
Arquitectura
2es+
Decoración
---
Estilismo
---
Fotografía

Espazos abertos e diáfanos

Unha casa fronte ao mar esixe unha cociña aberta, luminosa e orientada cara á paisaxe. Neste caso, a planta baixa da vivenda, un espazo diáfano e, en parte, de dobre altura, alberga cociña, salón e comedor. Conta con múltiples entradas de luz natural grazas ás diversas fiestras, tanto a nivel de planta como cenitais e ás dúas portas corredizas acristaladas que permiten o acceso á terraza. Lógrase así unha atmosfera fresca e radiante, ideal para gozar dos días solleiros.

A presenza da cor branca nos mobles da cociña, pero tamén noutros elementos como o mesado, as paredes ou as portas, axuda a conformar un bloque harmónico e homoxéneo, que resalta a luminosidade do ambiente e o carácter organizado da cociña.

Para o mobiliario optamos por un modelo FINE (en acabado Branco Innsbruck) un deseño que une elegancia, sobriedade e discreción, algo fundamental nas cociñas abertas. Ademais, as súas frontes lisas e sen tirador favorecen a fusión natural dos mobles coa arquitectura e o interiorismo da casa. Algo ao que tamén contribúen as solucións de integración para electrodomésticos e almacenamento.

As únicas concesións son o uso dunha campá de teito decorativa e a elección dun mesado de cuarzo branco cun fermoso veado, que aporta un plus de sofisticación á cociña.

Distribución en paralelo con ampla capacidade de almacenamento

Unha gran illa central domina a cociña, e concentra as áreas de preparación, cocción e frega. Isto permite conversar con familia e amigos mentres se traballa, á vez que se goza das vistas do mar.

Ademais, a illa incorpora múltiples opcións de almacenamento e organización. Na súa cara interior, inclúe dous módulos portaplaca con tres caixóns, lavalouzas integrado e moble portavertedoiro con baldes de reciclaxe. Na exterior, conta con sete armarios baixos de servizo. Para facela máis práctica e autónoma, os seus dous costados equípanse con candansúas tomas de corrente, moi útiles para conectar pequenos electrodomésticos.

En paralelo á illa disponse unha composición de catro armarios columna que, nun espazo compacto e ordenado, reúne frigorífico, forno, microondas e varios módulos de servizo, adecuados para funcionar como despensa ou para gardar utensilios de limpeza. Esta composición sitúase xusto baixo o oco da escaleira, un espazo xeralmente desaproveitado que, con todo, conta cun potencial a tomar en consideración. Neste proxecto, situando nesta zona a área de columnas, dotámola de carácter funcional e conferímoslle un atractivo estético totalmente acorde co conxunto.

Para a usuaria desta cociña, contar coa máxima capacidade de almacenamento posible era fundamental. Este elegante e discreto moblaxe lógrao sen sobrecargar o ambiente. Pola contra, consérvanse zonas libres para poder moverse e traballar con liberdade, e para que varias persoas poidan realizar tarefas á vez sen molestarse.

Outros datos de interese

ELECTRODOMÉSTICOS
Bosch Lavalouza, placa de cocción, forno, conxelador
Liebherr Frigorífico
Pando Campá

Queres facer realidade a cociña dos teus soños?

Solicítanos un proxecto directamente a través da web, ou ben concierta unha cita previa para que podamos atenderche sen esperas no noso showroom. Axudarémosche crear a cociña dos teus soños.

Solicita un proxecto